Almatyda sybaılas jemqorlyqqa qarsy is-qımyl máseleleri jónindegi qalalyq komısıanyń otyrysy ótti, dep habarlaıdy Almaty-akshamy.kz
Megapolıs basshysy Erbolat Dosaev QR Sybaılas jemqorlyqqa qarsy is-qımyl Agenttiginiń Almaty boıynsha departamentiniń basshysy Arman Rahımovpen birlesip, aýdan ákimderiniń, ákimdik basqarmalary men quqyq qorǵaý organdary basshylarynyń qatysýymen Sybaılas jemqorlyqqa qarsy is-qımyl máseleleri jónindegi qalalyq komısıanyń otyrysyn ótkizdi.
Otyrysta Memleket Basshysy Qasym-Jomart Toqaevtyń sybaılas jemqorlyqtyń alǵysharttaryn joıý jónindegi tapsyrmalaryn oryndaý aıasynda sybaılas jemqorlyq táýekelderi Kartasyn iske asyrý barysy qaraldy. Almatynyń taý bókterindegi qurylys salasyndaǵy sybaılas jemqorlyqqa qatysty quqyq buzýshylyqtarǵa yqpal etetin, sondaı-aq 2019-2020 jyldary bastalǵan qalanyń problemalyq obektileriniń qurylysyn aıaqtaýǵa kedergi keltiretin sebepterdi joıýǵa erekshe nazar aýdaryldy.
2023 jyldyń sáýir-mamyr aılary aralyǵynda Sybaılas jemqorlyqqa qarsy agenttik Almaty qalasynyń ákimdigimen birlesip qurylys salasyndaǵy sybaılas jemqorlyq táýekelderine ishki taldaý júrgizdi. Sybaılas jemqorlyq quqyq buzýshylyqtar jasaýǵa yqpal etetin sebepter men jaǵdaılardy joıý jónindegi is-sharalar jospary qabyldandy, 50 tarmaqtan turady, onyń 29-y Almaty ákimdigine bekitilgen.
Joǵaryda atalǵan tarmaqtardy iske asyrý týraly Almaty qalasynyń qalalyq josparlaý jáne sáýlet, jer qatynastary, qurylys, energetıka jáne sýmen jabdyqtaý basqarmalarynyń basshylary baıandady.
Almatynyń jer bólý jáne qala qurylysyn damytýdy josparlaýdaǵy buzýshylyqtardy boldyrmaý úshin ákimdik qalanyń sıfrlyq kartasynda erekshe qorǵalatyn tabıǵı aýmaqtardyń koordınattaryn belgileý boıynsha jumystardy bastady, jerdiń kadastrlyq qunyn tóleý boıynsha sıfrlyq quraldar engizilýde jáne t. b.
Búginde Almatyda taý bókterindegi aımaqta qurylysty retteýdi qatańdatý boıynsha aýqymdy jumys júrgizilýde jáne merdigerlerdiń alǵan mindettemelerin josyqsyz oryndaýy sebebinen sozylyp jatqan buryn bastalǵan problemalyq obektilerdiń qurylysyn aıaqtaý úshin qajetti sharalar qabyldanýda.
Óz kezeginde QR Sybaılas jemqorlyqqa qarsy is-qımyl Agenttiginiń Almaty qalasy boıynsha departamentiniń basshysy Arman Rahımov óz baıandamasynda ortalyq memlekettik organdar taý bókterindegi aımaqta qurylys júrgizý salasyndaǵy zańnamany jetildirý boıynsha belgili bir jumystar atqarǵanyn habarlady. Máselen, QR Parlamenti Májilisine qala qurylysyn baqylaý organdarynyń jaýapkershiligin kúsheıtýge múmkindik beretin túzetýlerdi qarastyratyn zań jobasy engizildi.
Sondaı-aq, qurylys pen jumys sapasyn baqylaýdyń jańa tetikterin engizý boıynsha ózgerister men tolyqtyrýlar engizý týraly zań jobasy Parlamenttiń qaraýynda.
Otyrysty qorytyndylaı kele, Almaty ákimi Erbolat Dosaev ákimdiktiń jaýapty bólimshelerine is-sharalar josparynyń barlyq tarmaqtary boıynsha josparlanǵan is-sharalardyń oryndalýyn qamtamasyz etýdi jáne 2023 jylǵy 15 jeltoqsanǵa deıin aldyn ala esepter daıyndaýdy tapsyrdy. Sondaı-aq, sybaılas jemqorlyq táýekelderin anyqtaýǵa, joıýǵa, qala qurylysy, jer qatynastary jáne qala qurylysyn baqylaý salalarynda sybaılas jemqorlyqqa qarsy mádenıetti nyǵaıtýǵa baǵyttalǵan jumysty kúsheıtýdi tapsyrdy.