Alataý aýdanynda 88,9 km sýmen jabdyqtaý jelileri salynady.
Megapolıs ákimi Baqytjan Saǵyntaev «Almaty» TA-daǵy onlaın-prezentasıa kezinde Alataý aýdanynyń jańa shaǵynaýdandaryndaǵy ınjenerlik komýnıkasıalar qurylysynyń qarqyny týraly aıtty, dep habarlaıdy Almaty-akshamy.kz.
Alataý aýdanynda 88,9 km sýmen jabdyqtaý jelileri (Áıgerim 1-2, Alǵabas, Boraldaı, Qarasý, Terekti, Shańyraq-1 shaǵyn aýdandary) salynady.
73,7 km sý burý jelileri (Áıgerim 1-2, Alǵabas, Boraldaı, Qarasý, Ójet, Terekti, Shańyraq-1, Shapaǵat shaǵyn aýdandary) salynady.
Ótken jyly «Shapaǵat», «Ójet», «Samǵaý» (shyǵys bóligi), «Aqbulaq» shaǵyn aýdandarynda 70,5 km sý qubyry jáne 53,9 km sý burý jelileri salyndy. 18,6 myń adam turatyn 4345 úı jańa jelilerge qosyldy.
Aǵymdaǵy jyly Qarasý, Alǵabas, Boraldaı, Shańyraq-1, Uljan-1, Áıgerim shaǵyn aýdandarynda 83,4 km sý qubyry jáne 70,2 km sý burý jelileriniń qurylysy josparlanǵan.
Sonymen birge, Jetisý aýdanynda bıyl 30,9 myń adam sýmen jabdyqtaýdyń jańa jelilerine qosylady. Olar 9 688 úıde turady. 2022-2023 jj. Kemel shaǵynaýdanyndaǵy 6300 úıde turatyn taǵy 22,8 myń turǵyn sýmen jabdyqtaýǵa qosylady.
Ótken jyly Raıymbek dańǵylynyń soltústigine, Kazakov kóshesiniń batysyna qaraı - Brodskıı, Rysqulov dańǵylynyń ońtústigine, Sokpaqbaev kóshesiniń shyǵysyna qaraı 23,1 km sýmen jabdyqtaý jáne 10,1 km káriz jelileri salyndy.
Kemel shaǵynaýdanynda (batys jaǵy) uzyndyǵy 78,85 km bolatyn jelilerdi salýdyń JSQ jasaldy, onyń 60,4 km sýmen jabdyqtaýdyń jáne 18,4 km káriz jelileri.
Tikeleı efırdi myna jerden kórýge bolady.