Basty problema – sýmen qamtý kózderiniń tapshylyǵy.
Megapolıs ákimi Baqytjan Saǵyntaev «Almaty» TA-daǵy onlaın-prezentasıa kezinde Túrksib, Medeý jáne Bostandyq aýdandarynyń jańa shaǵynaýdandaryndaǵy ınjenerlik komýnıkasıalar qurylystarynyń qarqyny týraly aıtty, dep habarlaıdy Almaty-akshamy.kz.
Túrksib aýdanynda 245,6 myń adam turady. Sýmen jabdyqtaý jáne sý burý jelileriniń uzyndyǵy 772 km quraıdy, onyń ishinde sýmen jabdyqtaý jelileri - 534,9 km, káriz jelisi - 237 km. Bıylǵy jyly úsh shaǵynaýdannyń 12 myń turǵyny (2814 úı) - Álmerek, Qaırat, Nurshashqan - jańa sýmen qamtý jelilerine qosylady.
Medeý aýdanynda 220,6 myń adamdy turady. Aýdanda 841,7 km sýmen jabdyqtaý jáne sý burý jelileri bar, onyń ishinde sýmen jabdyqtaý jelileri - 616,3 km, káriz jelileri - 225,4 km. Aýdan turǵyndarynyń 98,3% ortalyqtandyrylǵan sýmen qamtamasyz etilgen.
Bıylǵy jyly Dýman, Kólsaı shaǵyn aýdandarynyń 5 myń turǵyny (1448 úı) sýmen jabdyqtaýdyń jańa jelilerine qosylady. 2022-2023 jyldary Kólsaı jáne Tasty qyrat shaǵyn aýdandarynyń taǵy 5,5 myń turǵyny (1429 úı) jelige qosylady.
Bıylǵy jyly Dýman jáne Kólsaı shaǵynaýdandarynyń 6,2 myń turǵyndaryn (1698 úı) sýdan burýdyń jańa jelilerine qosý josparlanǵan. 2022-2023 jyldary Tasty qyrat shaǵynaýdanynyń taǵy 4,3 myń turǵyny (1 179 úı) sýdan burý jelisine qosylady.
Bostandyq aýdanynda 360 myń adam turady, onyń ishinde 347,6 myń turǵyn nemese 96,6% ortalyqtandyrylǵan sýmen jabdyqtalǵan. Qalaǵa qosylǵan shaǵyn aýdandardaǵy basty problema – sýmen qamtý kózderiniń tapshylyǵy.
Qazirgi kezde táýliktik syıymdylyǵy 9 myń tekshe metr bolatyn «Ermensaı» sý jınaıtyn nysannyń jobasy saraptamadan ótýde. Bul joba Ermensaı, Nurlytaý, Nuralataý, Remızovka shaǵyn aýdandarynyń 22 myń turǵyndaryn sýmen qamtamasyz etetin bolady. Nurlytaý, Han táńiri shaǵynaýdandary men Dýlatı kóshesiniń boıyna uzyndyǵy 97 km bolatyn ınjenerlik jelilerdi salý jobasy jasalýda.
Tikeleı efırdi myna jerden kórýge bolady.