Normatıvtik quqyqtyq aktilerdiń jobalary: Almatyda stasıonarlyq emes saýda nysandaryn ornalastyrý oryndary qarastyrylýda
Almaty qalasynyń Kásipkerlik jáne ınvestısıalar basqarmasy «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Qazaqstan Respýblıkasy Zańynyń 27-baby 1-tarmaǵynyń 4-4) tarmaqshasyna sáıkes, «İshki saýda qaǵıdalaryna» sáıkes Almaty qalasy ákimdiginiń «Almaty qalasynda stasıonarlyq emes saýda nysandarynyń ornalasý ornyn anyqtaý jáne bekitý týraly» qaýlysynyń jobasyn ázirledi.
Jobaǵa sáıkes 157 stasıonarlyq emes saýda nysandaryn (SESN) ornalastyrý úshin 142 oryn bekitildi. Qabyldanǵan sharalar stıhıalyq saýdanyń úlesin azaıtyp, zańsyz ornalasqan saýda nysandaryna baılanysty jergilikti atqarýshy organdarǵa ótinish jiberetin turǵyndar arasyndaǵy áleýmettik shıelenisti tómendetýge múmkindik beredi. Basqarma sonymen qatar jergilikti atqarýshy organdar belgilegen oryndardan tys jerde saýda jasaý Qazaqstan Respýblıkasynyń Ákimshilik quqyq buzýshylyq týraly 204 baby boıynsha ákimshilik jaýapkershilikke ákeletinin eskertedi.
Esterińizge sala keteıik, bıyl qańtar aıynda Almaty qalasy ákimdiginiń qaýlysymen alǵash ret «Almaty qalasynda jáne qala mańyndaǵy aýdanda stasıonarlyq emes saýda obektilerin ornatý qaǵıdalary» bekitilgen bolatyn. Erejeler stasıonarlyq emes bólshek saýda nysanynyń syrtqy túrine qoıylatyn talaptardy belgileıdi.
Osylaısha stasıonarlyq emes saýda nysanynyń aldyn ala jobasy aýmaqtyń sáýlettik-kórkemdik kelbeti men estetıkalyq sıpattamalaryn saqtaı otyryp ázirlenýi kerek. Qoldanylatyn jabdyqtyń túri, onyń pishini, parametrleri (ólshemderi), proporsıalary, masshtaby qasbetterdiń tús sqemasyna jáne obektiniń stıline, sondaı-aq qorshaǵan ǵımarattardyń sáýlettik jáne qala qurylysy sheshimine sáıkes kelýi kerek. Tehnologıalyq múmkindik bolsa, sharýashylyq júrgizýshi sýbekt ınjenerlik jelilerge qosylýy kerek.
Sonymen qatar, 2022 jyly departament 500-den astam zańsyz ornatylǵan SESN-ny anyqtap, búginde onyń 382-si bólshektelgen.
Kógaldandyrý erejelerin saqtamaı, qala qurylysy, sanıtarlyq-epıdemıologıalyq jáne órt qaýipsizdigi normalaryn buza otyryp, zańsyz nysandar trotýarlar men jol jıekterine ornalastyrylǵan.