Almatyda QAJD mekemesindegi sottalǵanǵa ákelingen palaýdan telefon shyqty, – dep habarlaıdy almaty-akshamy.kz
Almaty qalasy, Almaty jáne Jetisý oblystary boıynsha QAJ departamenti №72 mekemesinde tergeý-qamaýyndaǵylar men sottalǵandardyń paıdalanýyna tyıym salynǵan zattardy anyqtaý júıeli túrde júrgiziledi.
Osyndaı jumystardyń nátıjesinde jyl basynan beri 18 telefon, 181 800 teńge, 7,7 lıtr spırttik ishimdik anyqtalyp, Sim-karta, USB-shnýr, qýattaǵysh qural tárkileýdiń 31 faktisi tirkeldi.
Atalǵan ýaqyt ishinde tyıym salynǵan zattardy ótkizýge áreket jasaǵany úshin 41 adamǵa hattama toltyrylyp, Almaty qalasynyń ákimshilik quqyq buzýshylyq jónindegi mamandandyrylǵan aýdanaralyq sotyna joldandy. Jazalaý sharalaryna qaramastan tyıym salynǵan zattardy ótkizýge áreket etý faktileri tolastamaı otyr.
Mysaly jýyrda sálemdemeni qabyldap-tapsyrý bólmesinde Alık degen azamattyń ákelgen palaýynyń ishinen Redmi telefony men sım-karta tabyldy.
Bir ókinishtisi zańgerlerdiń ózi osyndaı zańsyz áreketterge barady. Jyl basynan beri kúdiktiler men sottalǵandarǵa tyıym salynǵan zattardy ótkizýge áreket etken 2 advokat ustaldy.