Bireýi – shahmat tarıhyndaǵy blıstan eń jas álem chempıony Bıbisara Asaýbaeva, ekinshisi – tenısshi Elena Rybakına.
«Qazposhta» «Qazaqstan chempıondary» taqyrybynda «Sport» serıasymen poshta markasyn shyǵarǵan, dep habarlaıdy Almaty-akshamy.kz.
Poshta markalarynda shahmatshy Bıbisara Asaýbaeva men tenısshi Elena Rybakına beınelengen.
«Poshta markalary «Qazposhta» AQ Shahmat jáne Tenıs federasıalarymen birigip shyǵarylyp, aınalymǵa engizildi. Markalar sportshylarǵa eren eńbegi úshin arnaıy shyǵaryldy. «Qazposhta» osylaısha chempıondarǵa kórkemdik markalar shyǵaryp, qurmet kórsetti. Bul búkil Qazaqstan halqynyń dańqty sportshylarymyzǵa, arý qyzdarǵa kórsetken qurmeti dep bilemin. Búgin fılatelıser óz koleksıalaryn chempıondardyń ataýly markalarymen tolyqtyrýda», – dedi «Qazposhta» AQ Basqarma tóraǵasy Ásel Janasova.
Bıbisara Asaýbaeva – shahmat tarıhyndaǵy blıstan eń jas álem chempıony. Rapıdten álem chempıonatynyń kúmis júldegeri, Azıa chempıony, Qazaqstan Respýblıkasynyń eńbek sińirgen sport sheberi.
Elena Rybakına – tenısshi, Ýımbldon-2022 jekeleı synynda Úlken dýlyǵa jeńimpazy, WTA jekeleı synynda bes týrnırdiń jeńimpazy; 18 jasqa deıingi jasóspirimder komandalyq birinshiliginde Eýropa chempıony.
Marka ofsettik mórmen basyp shyǵarylǵan, 4 boıaýmen boıalǵan, perforasıa – ramalyq. Shyǵarylym formasy – eki markaly poshta blogy. Bloktyń mólsheri – 120h48 mm. Marka mólsheri – 52h29,6 mm. Nomınaly – 600 teńgeden. Taralymy – 10 000 blok. Dızaınyn İ.Ońǵarbaı jasaǵan.