5 shildeden 3 tamyzǵa deıin Almaty qalasynyń Alataý aýdanynda Barys kóshesinen Jaýjúrek kóshesine deıin Boraldaı tas jolynda kólik qozǵalysy shekteledi. Bul aýmaqta qozǵalys eki baǵytqa da jabylady.
Sý qubyry men káriz jelilerin salý boıynsha jumystardy júrgizý qaýipsizdigin qamtamasyz etý úshin ýaqytsha shekteýler engiziledi. 3,5 km sý qubyry jáne 2,8 km káriz jelisin salynady. Bul jobanyń arqasynda Alataý aýdanynyń 2,5 myń turǵyny turaqty jelilermen qamtylady.
Ýaqytsha qolaısyzdyqqa túsinistikpen qaraýdy jáne kórsetilgen aýmaqty aınalyp ótý joldaryn aldyn ala qarastyrýdy suraımyz.
Bıyl barlyǵy 20 nysan boıynsha 108,4 km sý qubyry jáne káriz jelisin (81,1 km sý qubyry jáne 27,3 km káriz) salý josparlanǵan, bul halyqtyń ortalyqtandyrylǵan sýmen jabdyqtaýǵa qoljetimdiligin 99,2%-ǵa deıin arttyrýǵa múmkindik beredi.
Aıta keteıik, jelilerdi salý jáne jańǵyrtý jumystary turaqty negizde júrgiziledi, sebebi bul qala turǵyndarynyń ómir súrý sapasyna tikeleı áser etedi. Mysaly, byltyr Naýryzbaı, Alataý jáne Túrksib aýdandarynyń 18 shaǵyn aýdanynda 153,9 km sýmen qamtý jáne 118,1 km sý burý jelisi salyndy (60 myńǵa jýyq adam qamtyldy). Júrgizilip jatqan jumystyń arqasynda sýmen qamtý jelileriniń tozýy 56,2%-dan 55,8%-ǵa jáne káriz jelisiniń tozýy 58%-dan 57,5%-ǵa deıin tómendedi. 2022 jyldyń qorytyndysy boıynsha ortalyqtandyrylǵan sýmen jabdyqtaýǵa qoljetimdilik 99% bolǵan, aǵyndy sýdy tazarta otyryp halyqty qamtý 92,7%-ǵa jetti.
Almaty qalasy energetıka jáne sýmen jabdyqtaý basqarmasy