Almaty ákímí Darhan Satybaldy jūmys sapary barysynda qalanyń bírqatar mańyzdy nysanyn aralap, jóndeu jáne jobalau jūmystarynyń jaı-kúıímen tanysty. Sonymen qatar ol qalalyq ınfraqūrylym men qoǵamdyq keńístíkterdí damytudyń basym baǵyttaryn talqylady.
Jūmys sapary Áuezov audany ákímdígíníń apparatynan bastaldy. Qazírgí uaqytta būl jerde ákímshílík ǵımaratqa kúrdelí jóndeu júrgízílíp jatyr. Nysandy aralau kezínde ákímge qūrylys-montaj jáne ınjenerlík jūmystardyń oryndalu kezeńí, belgílengen merzímníń saqtaluy men atqarylyp jatqan jūmystardyń sapasy turaly aqparat beríldí. Ǵımarattyń íshkí josparlanuyn jetíldíruge, ınjenerlík jelílerdí jańartuǵa, qyzmetkerler men kelushíler úshín qolaıly jaǵdaı jasauǵa, sondaı-aq múmkíndígí shekteulí azamattarǵa qoljetímdí orta qalyptastyruǵa erekshe mán beríldí.
Būdan keıín qala ákímí N. Sats atyndaǵy balalar men jasóspírímder teatrynyń qaıta jańǵyrtu jūmystarynyń barysymen tanysty. Qarau barysynda ǵımarattyń funktsıonaldyq múmkíndíkterí men sáulettík erekshelíkterín saqtauǵa baǵyttalǵan qūrylys-montaj jūmystary men tehnıkalyq sheshímder talqylandy. Qaıta jańǵyrtu jūmystaryna júıelí baqylau júrgízíp, oryndalatyn jūmystyń sapasyna qoıylatyn talaptardyń qatań saqtaluyn qamtamasyz etu jónínde naqty tapsyrmalar beríldí.
Jūmys sapary Saıran kólí mańyndaǵy aumaq pen Úlken Almaty ózení arnasyna írgeles jatqan uchaskení aralaumen ayaqtaldy. Kóshpelí talqylau barysynda aumaqtyń qazírgí jaǵdaıy zerdelendí. Qala ákímí būl aumaqty damytuda keshendí tásíldíń qajettígín atady. Atap aıtqanda, josparlau sheshímderín bírízdendíru, qoǵamdyq keńístíktíń bírtūtas árí logıkalyq qūrylymyn qalyptastyru, sondaı-aq tūrǵyndardyń qauípsízdígí men jaılylyǵyn qamtamasyz etu qajettígíne nazar audaryldy.