Eksperıment sátti iske asty
Shveısarıada álemdegi eń uzyn jolaýshylar poıyzy júrip, rekord ornatyldy, dep habarlaıdy Almaty-akshamy.kz QazAqparatqa silteme jasap.
Uzyndyǵy 2 shaqyrymdyq poıyz Retıı temirjoly boıyndaǵy kórikti jerlerdiń bir bóligin, atap aıtqanda Albýl/Bernın baǵytymen Predadan Bergenge deıin júrip ótti.
25 vagondar tizbegin biriktirý arqyly Retıı temirjolynyń basshylary 175 jyldyq mereıtoıyn atap ótýdi ári álemdik rekord ornatyp, jergilikti halyq pen sheteldik týrıserdiń nazaryn aýdarýdy jón kórgen. Eksperıment sátti iske asty. Onyń basty sharty poıyzdy júrgizgen 6 mashınıstiń birdeı is-qımyl jasaýy boldy.
«Pandemıa bolǵan 2 jylda aınalymnyń 30 paıyzyn joǵalttyq. Sondyqtan, bizdiń IýNESKO-nyń Búkilálemdik muralary tizimine engizilgen keremet baǵytymyz týraly adamdardy habardar etýdiń utymdy jolyn izdestirdik», - deıdi Retıı temirjolynyń bas dırektory Renato Fashıatı.
Poıyz uzyndyǵy baǵyt boıyndaǵy eń uzaq, doǵal tonnelden (Landvasser, 680 metr) 3 esedeı artyq bolǵan. Vagondar quramynyń osy tonnelden ótken sáti kórermendi qatty tańqaldyrǵan.