Qazaqstanda shetelge shyǵarylǵan kapıtaldy qaıtarý boıynsha 5 jumys toby quryldy. Qazir onyń músheleri qarajattyń kólemi men qaı elderge jiberilgenin anyqtap jatyr, dep habarlaıdy Almaty-akshamy.kz.
Bas prokýratýranyń arnaıy komısıasy sheteldiktermen jasalǵan kelisimsharttardy zerttep, qarjyny zańsyz jolmen shyǵarǵan azamattardy izdestiredi. Aqsha aýdarylǵan memleket ókilderimen kelissózder júrgiziledi. Keleshekte mundaı jaǵdaılarǵa jol bermeý úshin valútalyq baqylaýdy Memlekettik kirister komıtetine júkteý usynyldy.
Erulan Jamaýbaevtyń aıtýynsha, kásipkerlerdi kapıtaldy qaıtarýǵa yntalandyrý maqsatynda birqatar shara qolǵa alynbaq.
- Ár kapıtaldyń óziniń shyǵý tegi bar. Árbir kapıtaldyń kontrakty bar. Zańdy, zańsyz jolmen shyqqany bar. Arnaıy Premer-Mınıstrdiń basshylyǵymen komısıa jumys istep otyr. 5 baǵytta jumys istep jatyrmyz. Maqsatymyz - syrtqa shyqqan qarajatty qaıtarý jáne shyǵýǵa jol bermeý. Negizinen biz bızneske, ınvestorlarǵa durys zańdy jaǵdaı jasaýymyz kerek. Zańsyz shyqqan kapıtaldy qaıtaramyz. Zańdy shyqqan kapıtal bolsa, ishke kelýge múmkindik jasaýymyz kerekpiz. Ol kapıtal ekonomıkamyzǵa jumys isteýi úshin jaǵdaı jasaýymyz kerek, - deıdi QR Qarjy mınıstri Erulan Jamaýbaev