AES jaıy ne bolmaq?
QR Ekologıa, geologıa jáne tabıǵı resýrstar mınıstri Serikqalı Brekeshev Qazaqstan aýmaǵynda atom elektr stansasyn salý máselesine qatysty pikir bildirdi, dep habarlaıdy Almaty-akshamy.kz QazAqparat saıtyna silteme jasap
«AES boıynsha jobalyq-smetalyq qujattama túsken kezde qorshaǵan ortaǵa áserin baǵalaý baǵytyndaǵy ekologıalyq saraptama júrgizip baryp óz pikirimizdi resmı jarıalaımyz. AES salý jobasy qolymyzǵa tıgennen keıin ǵana resmı ustanymymyzdy bildiremiz», - dedi mınıstr brıfıń barysynda.
Osy jıynda Ekologıa mınıstri Óskemendegi zaýyt tóbesinde paıda bolǵan qyzǵylt tútinge qatysty túsinikteme berdi.
«Búgin saǵat 12.00-de Ekologıa departamentine áleýmettik jeli arqyly «TMK» AQ aýmaǵynda yqtımal apat týraly málimet kelip tústi. Jaǵdaıdy anyqtaý úshin Ekologıa departamenti saǵat 12.15-te qural-jabdyqtarmen synama alý úshin sanıtarlyq aımaqqa baryp, aýa quramyndaǵy zıandy zattardyń bar-joǵyn tekserdi. Synama qorytyndysy boıynsha hlordyń mólsheri bekitilgen norma sheginen asqany asqany belgili boldy. Kelip túsken aryz boıynsha jospardan tys tekserý bastaldy. Onyń qorytyndysy qosymsha habarlanady», - dedi Serikqalı Brekeshev.