Semeılik polıseıler jalǵan vaksına qujatyn jasaǵandardy anyqtady, – dep habarlaıdy almaty-akshamy.kz Polisia.kz. silteme jasap.
2021 jyldyń 16 qyrkúıeginde Semeı qalasy medısınalyq mekemeleriniń birinde koronavırýstyq ınfeksıaǵa qarsy vaksınasıa týraly qujattardy qoldan jasap ótkizýmen aınalysatyn mekeme qyzmetkerlerine qatysty jedel aqparat kelip tústi.
Semeı q. PB qyzmetkerleriniń tarapynan júrgizilgen jedel-izdestirý is-sharalarynyń barysynda aǵymdaǵy jyldyń shilde aıynda qyzmettik múmkindigin negizsiz paıdalaný arqyly tólqujattardy qoldan jasaýmen jáne ótkizýmen aınalysqan Semeı qalasynyń 27 jastaǵy turǵyny anyqtalyp, qolǵa tústi.
- Atalǵan fakti sotqa deıingi tergep-tekserýdiń biryńǵaı tizilimine engizildi, qazirgi ýaqytta Qazaqstan Respýblıkasy QK-niń 385-babynyń 1-bóligi (Jalǵan qujattardy, mórtańbalardy, mórlerdi, blankilerdi, poshta tóleminiń memlekettik belgilerin, memlekettik nagradalardy qoldan jasaý daıyndaý nemese ótkizý) boıynsha qylmystyq is tirkeldi. Qazirgi ýaqytta atalǵan qylmysqa qatysy bar adamdardy anyqtaýǵa baǵyttalǵan sotqa deıingi tergeý amaldary júrgizilýde, – dedi Semeı q. PB bastyǵy Shalqar Qunanbaev.