Bolǵan oqıǵa týraly saýda ortalyǵynyń kúzetshisi habar bergen
Elordalyq polısıa departamentiniń qyzmetkerleri Mega SilkWay saýda ortalyǵynda ekinshi qabattan sýburqaqqa sekirgen turǵyndy ustady. Ol usaq buzaqylyq úshin ákimshilik qamaýǵa alyndy, dep habarlaıdy Almaty-akshamy.kz sputnik.kz saıtyna silteme jasap.
Polısıa aqparatyna sáıkes, bolǵan oqıǵa týraly saýda ortalyǵynyń kúzetshisi habar bergen.
«19 jastaǵy astanalyq dostarymen bástesip, birinshi qabattaǵy sýburqaqqa sekirgen. Oqıǵa saýda ortalyǵyna kelýshilerdiń kóz aldynda boldy. Jigitti Mega SilkWay kúzetshileri ustap, polısıa qyzmetkerlerine berdi», – dedi qalalyq Polısıa departamentinde.
Oqıǵa ornynda mán-jaı anyqtalǵan soń jigit Esil aýdandyq polısıa bólimshesine jetkizildi. Ákimshilik quqyqbuzýshylyq týraly kodekstiń 434-baby («usaq buzaqylyq») boıynsha ákimshilik óndiris bastaldy.
«Mamandandyrylǵan aýdanaralyq sot sheshimimen tártip buzǵan turǵyn qamaýǵa alyndy», – dep naqtylady Polısıa departamentinde.
Jigit buǵan deıin de usaq buzaqylyq úshin jaýapqa tartylǵan. Ol joly Almaty metrosynda mýzykany qatty qosqan.