Búgin, 8 qarashada Qazaqstan statısıkasynyń qurylǵanyna 101 jyl tolyp otyr.
Táýelsiz Memleketter Dostastyǵy Memleketaralyq statısıka komıtetiniń tóraǵasy, Táýelsiz Memleketter Dostastyǵyna qatysýshy memleketterdiń statısıkalyq qyzmet basshylary keńesiniń múshesi Sokolın Vladımır Leonıdovıchtiń aıtýynsha, osy kezeńde qazaqstandyq statısıka 15-orynnan 4-orynǵa kóterilgen, dep habarlaıdy Almaty-akshamy.kz
«Búgin, 8 qarashada Qazaqstan statısıkasynyń qurylǵanyna 101 jyl tolyp otyr. Men KSRO Ortalyq statısıka basqarmasynda 26 jyl boıy qazaqstandyq statısıkaǵa jaýapty bolǵanymnan beri Qazaqstandaǵy áriptesterimmen uzaq ýaqyt jumys istep kelemin. Sol kezeńde qazaqstandyq statısıka 15-orynnan 4-orynǵa kóterildi. Odan keıin RosStatty 11 jyl basqardym, qazir Táýelsiz Memleketter Dostastyǵy Memleketaralyq statısıkalyq komıtetin basqaramyn. 2021 jyldyń 30 jeltoqsanynda TMD Statısıka komıteti óziniń 30 jyldyǵyn atap ótedi jáne aıta ketý kerek, álemde tolyǵymen táýelsiz eki ǵana memleketaralyq statısıkalyq uıym bar - bul tek biz jáne EýroStat (Eýropalyq Odaqtyń statısıkalyq basqarmasy). TMD Statısıka komıtetiniń mindeti- ulttyq statısıkalyq qyzmetterge statısıkalyq jumystyń ádistemesi men derbes qurýy boıynsha keńes berý bolyp tabylady», -deıdi Vladımır Sokolın.
Qazir Qazaqstan óziniń saıasatyn, strategıasyn derbes anyqtaıdy jáne soǵan qaramastan, qazaqstandyq statısıkanyń búgingi tańda memlekettik basqarýdyń barlyq basqa fýnksıalaryna qaraǵanda, bir óte tán jáne erekshe belgisi bar. Másele mynada, barlyq statısıkalyq qyzmetter búginde biz halyqaralyq standarttar dep ataıtyn ádisteme boıynsha jumys isteıdi. Barlyq statısıkalyq jumystar, qandaı da bir jolmen, ózderiniń halyqaralyq standartyna negizdelgen, múmkin, quqyq buzýshylyq statısıkasyn qospaǵanda. Qazaqstanda júrgizilgen halyq sanaǵy búginde bárimizdiń halyqaralyq standarttarǵa saı jumys istep jatqanymyzdyń jarqyn mysaly. Aıtpaqshy, halyq sanaǵy 50-shi jyldardan bastap álemniń barlyq ulttyq statısıkalyq qyzmetterinde júrgizilgen alǵashqy naqty statısıkalyq jumys bolyp tabylady jáne Birikken Ulttar Uıymynyń statısıkalyq bólimi búkil jer sharyndaǵy halyqtyń demografıalyq boljamyna jaýap beredi.
Sanaq barlyq elderde ótip jatqanyn bilesiz jáne Kovıdke qaramastan, 2020 jyly AQSH, Qytaı, Úndistan sıaqty iri elder sanaq júrgizip úlgerdi. TMD elderinde pandemıadan keıin Qazaqstan birinshi bolyp halyq sanaǵyn júrgizdi, keıin Reseı, al kelesi jyldyń basynda Qyrǵyzstan sanaq júrgizedi dep kútemiz. Men statısıka salasynda júrgenime 50 jyl boldy jáne óz jumysymnan halyq sanaǵy eń mańyzdy jáne eń kúrdeli uıymdastyrýshylyq mindet ekenin jáne ol tek statısıkanyń ǵana mindeti emes, eń aldymen tutastaı alǵanda eldiń saıası mindeti ekenin bilemin. Óıtkeni bıliktiń barlyq tarmaqtarynyń sheshiminsiz, barlyq mınıstrlikter men vedomstvolardyń qatysýynsyz halyq sanaǵyn júrgizý múmkin emes, bul óte kúrdeli másele.
Máselen, eldegi prezıdenttik saılaýǵa saılaýshylardyń 60-70 paıyzy kelse, bılik muny jaqsy nátıje deıdi. Al biz, statısıkter úshin 70% - bul jumystyń tolyq sátsizdigi. Biz úshin respondentterdiń 100% qatysýy kerek, biz barlyǵyn qamtýymyz kerek, sanaqtyń kúrdeliligi de osy. Qazaqstandyq statısıka mamandary TMD elderinde alǵashqylardyń biri bolyp respondentterdiń suraqtarǵa óz betimen jaýap berýiniń onlaın formatyn qoldandy, bul sanaqtyń bolashaǵy dep oılaımyn. Tájirıbe kórsetkendeı jáne bul baǵytta Kovıd óz úlesin qosty, statısıkalyq jumystardy júrgizýdiń osyndaı múldem jańa tehnologıalyq ádisterine kóshý qajet bolady.
Qazaqstanda bul Keńes Odaǵy ydyraǵannan keıingi úshinshi ulttyq halyq sanaǵy dep aıta alamyn, men óz áriptesterim-statıstıkterge alańdadym, óıtkeni olardyń aldynda eń qıyn mindet turdy, biraq meniń áriptester-statıstıkterimniń jumystary sátti oryndalyp jatqanyn kórip otyrmyn, árıne, qıynshylyqtar men qıyndyqtarsyz emes, biraq olar óz maqsatyna jetti.
Men barlyq qazaqstandyq statısıkterge jumystaryńyzǵa sáttilik tileımin, óıtkeni men sizdermen jumysymyzdyń qanshalyqty qıyn ekenin bilemin jáne bul jumys úshin biz árqashan laıyqty alǵys ala bermeımiz, biraq bul shyn máninde mańyzdy, qajet, sondyqtan sáttilik jáne barlyǵyńyz statısıkada uzaq jyldar boıy qalýyńyzdy tileımin!