Qytaıdaǵy lokdaun men sanıtarlyq shekteulerge qaramastan Shanhaıda halyqaralyq ımporttyq kórme ótíp jatyr, dep habarlaıdy Almayu-akshamy.kz «Habar 24»-ke sílteme jasap.
Úlken audanǵa jaıǵasqan kórmede bír myńǵa juyq kompanıya óz būıymdaryn ūsynǵan. Shanhaıdaǵy halyqaralyq kórmesíne qatysushylardyń keıbíreuí íshíne kíre alǵan joq. Ashyluyna bír kún qalǵanda olarǵa rūqsattamasynyń kúshí joıylǵany turaly habarlama keldí. Būǵan Qytaıdyń keıbír óńírlerínde índettíń órshuí sebep boldy. Al qalǵandary ár kírgen saıyn PTR-testtíń jańa nátıjesín, vaktsınalau sertıfıkatyn jáne bízdíń «Ashyqqa» ūqsas jasyl kodty kórsetuí tıís. Kórmeníń ashylu saltanatynda Qazaqstan prezıdentí Qasym-Jomart Toqaev qatysushylarǵa arnap, sóz sóıledí. Álemníń 127 elíníń óndírushílerí kórmege óz tauarlaryn ákelgen.
«Kez kelgen tauardyń eksporty tūtynushyǵa táueldí. Qytaı naryǵynda ár óním óz ornyn taba alady. Óıtkení ol aluan túrlí, ár óńírdíń óz erekshelíkterí bar. Máselen, Shanhaıdyń óz talǵamy bar, al ortalyq bólíktegí Henan men Sychuan provıntsıyalary jáne batystaǵy Shyńjan, Tıbet pen Tsınhaı aımaqtarynyń talǵamy erekshelenedí. Qysqasyn aıtqanda, árbír jaqsy óním Qytaı naryǵynda óz ornyn taba alady», - dedí QHR kommertsıya mınıstrlígí europa men azıya departamentí dırektorynyń orynbasary Lyu Tszyun.
Kórme 360 myń sharshy metr audandy alyp jatyr. Ol bírneshe aımaqqa bólíngen. Būl - mashınalar, ınnovatsıyalyq tehnologıyalar, tūtynushylyq tauarlar jáne azyq-túlík ónímderí. Ár óndírushí jūrtty tańqaldyryp, nazaryn óz ekspozıtsıyasyna audaruǵa tyrysqan. Al basty taqyryby jasyl tehnologıyalardy damytu boldy. Ūıymdastyrushylardyń aıtuynsha, kórme Qytaımen kásíp damytudyń eń tez joly. Jalpy úsh myńnan astam kásíporyn osy múmkíndíktí paıdalanyp, óz ónímderín ákeldí. Qolmen ūstauǵa bolatyn tauarlarmen qatar, kórermenderge daıyn tehnıkalyq sheshímder de ūsynyldy.
«Óndíríste qoldanylatyn tehnologıyalardy medıtsına salasyna beıímdedík. Mysalǵa, zattar ınternetíníń kómegímen medıtsınalyq mekemelerdegí barlyq qūral-jabdyqty júıege qosyp, olardyń jaǵdaıyn qadaǵalauǵa bolady. 5G-dí paıdalanyp kompyuterlík tomografıya nemese UZI jasaıtyn qūrylǵylardy basqaryp, joǵary bílíktí maman qashyqtan dıagnoz qoya alady. Jalpy 5G tehnologıyalary medıtsınalyq mekemelerge byudjetín qolaıly qūryp, tıímdílígín arttyruǵa kómektesedí», - halyqaralyq kompanıyanyń ókílí Lı Goshuı.
Halyqaralyq kórme ótkízetín jer retínde Shanhaıdyń tańdaluy kezdeısoq emes. Ol - Qytaıdyń mańyzdy mádenı jáne qarjylyq ortalyǵy. Oǵan qosa eldíń negízgí sauda-ekonomıkalyq habtarynyń bírí. Ótken jyly Shanhaıdyń jalpy íshkí ónímí 600 mlrd dollardan asyp tústí.