Almaty qalasy sanıtarlyq-epıdemıologıalyq baqylaý departamentiniń aqparaty boıynsha Saıran sý qoımasynan alynǵan sý synamalarynyń nátıjesinde lak-pozıtıvti ishek taıaqshalary normasy deńgeıiniń artqany anyqtaldy. Osyǵan baılanysty Almaty qalasy Tótenshe jaǵdaılar departamentiniń hatyna sáıkes jáne SEBD-niń nusqaýymen sý qoımasynan sýdy tolyq kólemde jiberý týraly sheshim qabyldandy.
Sýdan tolyq bosatý úshin 2-3 kún ketedi. Almatylyqtar men qala qonaqtaryn aldaǵy kúnderi sýǵa túsýden bas tartýyn suraımyz.
Lastaný kózin anyqtaý jáne tıisti sharalardy qabyldaý úshin aýdan ákimdikteriniń (Almaly, Áýezov), polısıa bóliminiń, aýdandyq sanıtarlyq-epıdemıologıalyq baqylaý bólimderiniń, Tótenshe jaǵdaılar departamentiniń mamandary men ekologtar arasynan jumys komısıasy quryldy.
SEBD málimetteri boıynsha, bul kezeńde rezervýar túbin bıologıalyq jáne hımıalyq tazalaýdyń qosymsha arnaıy ádisteri qajet emes. Lastaný kózi anyqtalyp, arnaıy komısıa jumysy aıaqtalǵan soń Saıranǵa sý qaıta toltyrylady.