Eńbek jáne halyqty áleýmettik qorǵaý mınıstrligi Májilis depýtatynyń saýalyna bergen jaýabynda elimizdegi ishki kóshi-qon kórsetkishterin jarıalady, - dep habarlaıdy Aqshamnews.kz.
Ulttyq statısıka búrosynyń 2025 jyldyń alǵashqy 9 aıyndaǵy derekterine sáıkes, Qazaqstanda 1 mln 326 myń adam qonys aýdarǵan. Onyń 619 myńy oblystar arasyndaǵy kóshi-qondy quraıdy. Bul kórsetkish 2024 jyldyń osy kezeńimen salystyrǵanda 22,7 paıyzǵa artyp, ótken jylǵy 1 mln 80 myń adammen salystyrǵanda aıtarlyqtaı ósimdi kórsetip otyr.
Mınıstrlik málimetinshe, erikti túrde qonys aýdarý tetigi búginde ońtústik óńirlerden soltústik aımaqtarǵa eńbek resýrstaryn qaıta bólýge baǵyttalǵan mańyzdy quralǵa aınalǵan. Baǵdarlama jumys izdep júrgen azamattar men jumyssyzdardy jumyspen qamtýǵa múmkindik berip otyr.
Atalǵan baǵdarlama iske qosylǵaly beri soltústik óńirlerge 66,2 myń adam kóship barǵan. Olardyń 3,6 myńy nemese 6 paıyzy keıin keri qaıtqan.