Almaty qalasynyń saılaý komısıalarynyń kadrlary arnaıy oqytýdan ótip jatyr
Qazaqstan Respýblıkasy Prezıdentiniń janyndaǵy Memlekettik basqarý akademıasynyń Almaty qalasy boıynsha fılıalynda Almaty qalasynyń aýmaqtyq jáne ýchaskelik saılaý komısıalarynyń músheleri men tóraǵalary úshin «Qazaqstan Respýblıkasyndaǵy saılaý prosesi: teorıa jáne praktıka» taqyrybynda oqytý semınary ótkizilip jatyr.
Atalmysh semınardyń basty maqsaty – saılaý zańnamasynyń negizderin jáne ony Qazaqstan Respýblıkasynyń Prezıdentine saılaý kezinde qoldaný praktıkasyn bilý esebinen kásibı quzyretter men praktıkalyq daǵdylar deńgeıin arttyrý bolyp tabylady.
Semınarda, oqytý baǵdarlamasyna sáıkes, saılaý komısıalarynyń jumysyn uıymdastyrý, daýys berý tártibi jáne saılaýda daýys berý qorytyndysyn shyǵarý, saılaý zańnamasyn buzǵany úshin jaýapkershilik, qoǵamdyq baqylaýshylarmen jáne BAQ ókilderimen ózara is-qımyl týraly jáne t.b. praktıkalyq jáne ınteraktıvtik formattaǵy sabaqtar qarastyrylyp otyr.
Oqytý barysynda daýys berý kúni saılaýshylarmen jumysta saılaý komısıalary músheleriniń minez-qulqy, yqtımal janjaldy jaǵdaılardy sheshý máselelerine erekshe nazar aýdarylady.
Sondaı-aq, semınarǵa qatysýshylar arasynda naqty praktıkaǵa baǵdarlanǵan «Qazaqstan Respýblıkasy Prezıdentin saılaý kúni» iskerlik oıyny ótkizildi.
Sabaqtardy fılıal oqytýshylary, saılaý zańnamasyndaǵy sarapshylar jáne aldyńǵy saılaýdy ótkizýde aıtarlyqtaı tájirıbesi bar saılaý prosesterin uıymdastyrýshylar men bıznes-trenerler júrgizip jatyr.
Atalmysh oqý baǵdarlamasy 2018 jyldan bastap QR Ortalyq saılaý komıssıasy men Qazaqstan Respýblıkasy Prezıdentiniń janyndaǵy Memlekettik basqarý akademıasy arasynda jasalǵan memorandým sheńberinde Almaty qalasynyń aýmaqtyq saılaý komıssıasymen birlesip iske asyrylyp keledi.