Qylmystyq iske «asa qupıa» deńgeıi berilgen.
Ulttyq qaýipsizdik komıtetiniń burynǵy basshysy Kárim Másimov pen onyń orynbasarlaryn qamaýda ustaý merzimi uzartyldy, dep habarlaıdy Almaty-akshamy.kz QazAqparatqa silteme jasap.
«Tergeý soty qamaýda bolý merzimin K.K. Másimov pen A.T. Sadyqovqa 6 jeltoqsanǵa deıin, D.E. Erǵojınge 13 jeltoqsanǵa deıin, M.S. Osıpovke 22 jeltoqsanǵa deıin uzartty. K.Másimovke qatysty isti tergeý tamyz aıynda aıaqtaldy», - delingen resmı aqparatta.
Habarlamada aıtylǵandaı, UQK burynǵy basshysyna qatysty qylmystyq iske «asa qupıa» deńgeıi berilgen.
Eske salsaq, Kárim Másimov 2016 jyldan bastap 2022 jyldyń qańtaryna deıin UQK basshysy qyzmetin atqardy. Bıyl qańtar aıynyń basynda qamaýǵa alyndy.
K. Másimovke QR Qylmystyq kodekstiń 175-baby, 1-bóligi («Memleketke satqyndyq»), 179-bólimi, 3-bóligi («Bılikti kúshpen basyp alý») jáne 362-bólimi, 4-bóligi, 3-tarmaǵy («Bılik pen laýazymdyq ókilettigin asyra paıdalaný») boıynsha aıyp taǵyldy.
Kárim Másimovti qamaýda ustaý merzimi osyǵan deıin birneshe ret uzartylǵan bolatyn. Buǵan deıin sot sanksıasy 2022 jyldyń 6 maýsymyna deıin berilgen edi.
Qylmystyq isti tergeý tamyz aıynda aıaqtaldy.