20 qarashada elimizde kezekten tys prezıdent saılaýy ótedi.
Naýryzbaı aýdany boıynsha Jastar resýrstyq ortalyǵynyń jetekshisi Abzal Áripov bul saılaýdyń ózi úshin mańyzdy ekenin jáne jasalyp jatqan reformalardyń óz nátıjesin beretinine senedi, dep habarlaıdy Almaty-akshamy.kz.
«Men úshin bul saılaý mańyzdy. Elimizde saıası ózgerister bolyp jatyr. Mysaly, prezıdent saılaýyna túsetin adam kandıdat retinde bir ret usyna alady. Memleket basshysy 2019 jyldan bastap biraz reforma usyndy. Aldaǵy saılaý sol reformalardy iske asyrý úshin mańyzdy qadam. Reformalar óz nátıjesin berýi kerek. Saılaýdan ádilettilikti, turaqtylyqty kútemin», – dedi Naýryzbaı aýdany boıynsha Jastar resýrstyq ortalyǵynyń jetekshisi Abzal Áripov.