Mysaly, dál qazirgi ýaqyttaǵy eldiń janyn qınap otyrǵan qymbatshylyqtan shyǵýdyń joldary.
QR Eńbek sińirgen qaıratkeri Baıǵalı Esenálıev aldaǵy saılaýdan ádildik kútetinin aıtty, dep habarlaıdy Almaty-akshamy.kz
«Ádildik ol halyqtyń aldyndaǵy jarıalylyq dep bilemin jáne qazirgi el basqaryp otyrǵan memleket ıesiniń ótkendegideı olqylyqtarǵa jol bermeıtinine men senemin. Saılaýdan keıingi men kútetin ózgeris – ol jańaǵy joldaýda aıtylǵan máseleler oryndalsa, ol eldiń kútken ózgerisi, oń ózgeris. Mysaly, dál qazirgi ýaqyttaǵy eldiń janyn qınap otyrǵan qymbatshylyqtan shyǵýdyń joldaryn joldaýda óte jaqsy aıtty, odan keıin baryp korrýpsıa máselesi, jemqorlyq. Budan da shyǵý joldaryn kórsetip berdi. Al endi, eń basty Joldaýda aıtylǵan maǵan unaǵan nárse – osyǵan tapsyrma berilgen adamdar óz isimen naqty aınalyspaǵan jaǵdaıda úlken kadrlyq ózgeristerdiń bolatynyn qadap turyp aıtty. Demek, bılikte uzyn arqan, keń tusaýmen otyrǵan adamdardyń kóbisi jastarmen aýystyrylady dep senemin jáne ony bir emes, eki qaıtara qaıtalap aıtty, memleket basshysy osy máselege kóńil aýdarǵanyn baıqadym», – dedi QR Eńbek sińirgen qaıratkeri Baıǵalı Esenálıev.