Qazaqstanda bıylǵy naýryz aıynda jeke sáıkestendirý nómirin alǵan reseılikterdiń sany byltyrǵy osy kezeńmen salystyrǵanda 14 esege artqan, dep habarlaıdy Almaty-akshamy.kz.
QR İshki ister mınıstrliginiń habarlaýynsha, ótken jyly Reseıdiń 14 717 azamaty JSN alǵan. Al 2022 jyldyń alǵashqy úsh aıynda 12 840 reseılikke JSN berilgen.
«Qazaqstanda tirkelgen reseılikter sany 2022 jylǵy naýryzda óse tústi. Bir aı ishinde 10 995 Reseı azamaty JSN alǵan. Al 2021 jylǵy naýryzda 783 adam alǵan, salystyrmaly túrde ósim 14 eseden asady», - delingen habarlamada.
Vedomstvo Ýkraına azamattaryna qatysty bul san aıtarlyqtaı kóp emes ekenin jetkizdi. 2021 jyly Qazaqstanda 1 087 ýkraınalyq JSN alsa, bıyl bul kórsetkish az ǵana ósken. Qańtarda 42 ýkraınalyq JSN alǵan, aqpanda - 80, al naýryzda - 198 adam.
Aıta keteıik, sheteldikterge Qazaqstan JSN-i bankten shot ashý kezinde, Qazaqstanda ornalasqan kózderden tabys alarda, salyq salynatyn múlikti, mysaly, avtokólik satyp alarda kerek. Sonymen qatar Qazaqstan rezıdenti - zańdy tulǵanyń basshysy nemese rezıdent emes - zańdy tulǵa fılıalynyń basshysy bolyp taǵaıyndalǵanda qajet.
Shetel azamattaryna JSN alý úshin Qazaqstanda bolý mindetti emes. Ony senimhat negizinde de jasaýǵa bolady.