1 mln teńge para alǵan bólim basshysy úsh jylǵa sottaldy
Almaty qalasyndaǵy qoǵamdyq densaýlyq basqarmasy memlekettik satyp alý bóliminiń burynǵy basshysy jemqorlyq áreketteri úshin ustaldy, dep habarlaıdy Almaty-akshamy.kz.
Qalalyq sottyń baspasóz qyzmetiniń málimetinshe, oǵan para aldy degen aıyp taǵylyp, úsh jylǵa bas bostandyǵy shektelgen.
«Bólim basshysy byltyr maýsym aıynda naýqas balalarǵa arnalǵan dáriler men medısınalyq maqsattaǵy buıymdardy jetkizýge memlekettik satyp alý ótkizý kezinde seriktestikterdiń birinen kelisimshart somasynyń 10%-yn talap etken. Eger satyp alýshy bul shartqa kelispese, istiń nasyrǵa shabatynyn aıtyp qorqytqan. Amaly qalmaǵan seriktestik quryltaıshysy 1 mıllıon teńge kóleminde aqsha aýdarǵan», - delingen habarlamada.
Para alýshynyń kámelettik jasqa tolmaǵan balalary baryn eskerip, sot ony 3 jylǵa bas bostandyǵynan aıyrdy. Sondaı-aq ómir boıy memlekettik qyzmette jumys isteı almaıdy. Sot otyrysy kezinde aıyptalýshy óz kinásin moıyndaǵan joq.