Baqylaýshylar 531 saılaý ýchaskesinde jumys atqarǵan.
«Qoǵamdyq pikir» qoǵamdyq qory baqylaýshylar shtabynyń jetekshisi Rafael Gasanov 20 qarasha, saılaý kúni jergilikti baıqaýshylardyń kúni boıy saılaý ýchaskelerinde bolǵanyn eske saldy. Ol áleýmettik jelide jarıalanǵan jaǵymsyz jazbalarǵa qatysty óz oıyn bildirdi, dep habarlaıdy Almaty-akshamy.kz.
«Bizdiń baqylaýshylarymyz daýys sanaǵan kezde de boldy. Bizdiń esebimiz boıynsha, Almaty boıynsha saılaýǵa kelgender 28%-dy kórsetti. Aldyn ala qorytyndy boıynsha, qazirgi Prezıdent Qasym-Jomart Toqaev jeńiske jetti», - dep habarlady Rafael Gasanov.
Spıker baqylaýshylardyń 531 saılaý ýchaskesinde jumys atqarǵanyn aıtty.
«Keıbir baqylaýshylardyń jaǵymsyz jaǵdaı týdyrǵysy kelgeni anyq ekenin ótkim keledi. Baqylaýshylar saılaýda ózderiniń negizgi mindetterin umytyp, onyń ornyna saılaý ýchaskeleri tóraǵalarynyń jumysyna kedergi keltirip, kameraǵa túsirip alý faktileri boldy. Sondaı jaǵdaıda kelip, saılaý zańnamasynyń normalaryn túsindiretin zańgerlerimizdiń bolǵany jaqsy boldy. Bizdiń jumysymyzdyń bedelin túsirgisi kelgenderdiń nazaryna aıtarym: bizdiń barlyǵymyz ortaq jumyspen aınalystyq – biz baıqaýshylardy emes, saılaý prosesin baqylaǵanymyzdy umytpaǵan jón. Basqa qoǵamdyq uıymdardyń jumysyna aralasý kásipqoılyqqa jatpaıdy dep oılaımyn. Olar bizdi baqylaýǵa keldi me degen oı qaldy. Biz halyqaralyq standarttardy ustanatynymyzdy eske salǵym keledi», - dedi Rafael Gasanov.
Qoǵamdyq baqylaýshy ózderiniń EQYU-nyń ishki monıtorıń boıynsha nusqaýlaryn jáne Eýropalyq Hartıany ustanatynyn qosty. Al olardyń basty mindeti tek baqylaý boldy, biraq eshbir jaǵdaıda baqylaýshylardyń jumysyna kedergi keltirmeý boldy.
«Biz halyqaralyq baıqaýshylardyń esebin zerdeleımiz, odan keıin bizdiń esebimiz Ortalyq saılaý komısıasyna jiberiledi», - dep jalǵastyrdy Rafael Gasanov.
Saılaý barysynan alǵan áserimen bólisken taǵy bir qoǵam ókili Andreı Andreev boldy. Ol almatylyq daýys berýshiler arasynda balalarymen birge kelip, kóterińki kóńil-kúımen qaıtqandary da bolǵanyn atap ótti.
«Kóptegen jastardyń, júrip-turýdyń qıyndaǵanyna qaramastan, azamattyq boryshyn ótegen aǵa býyn ókilderiniń de kelgeni qýantty. Barlyq saılaý ýchaskeleri jetkilikti deńgeıde daıyndaldy, bári túsinikti boldy, adamdardyń ádeıi janjal shyǵarǵysy kelgen jaǵdaılardan basqa zań buzýshylyqtar bolmady», - dedi Andreı Andreev.
Baqylaýshylarǵa qarsy aıtylǵan synǵa keletin bolsaq, syn aıtqandardyń eshqaısysy olardy esep baıandamasyna resmı túrde tirkegen joq. Olardyń basym bóligi saılaýǵa ne úshin kelgenine kóńil aýdaryp, sonymen qatar durys emes áreketke barǵan. Andreevtiń aıtýynsha, bul adamdardyń maqsaty saılaýdy baqylaýdy emes, qıyndyqtar týǵyzý boldy.
HBK-tyń korporatıvtik jáne áleýmettik damý jónindegi prorektory Dıana Malaevanyń aıtýynsha, barlyq baqylaýshylar úlken tájirıbe jınaqtaı otyryp, óz quqyqtaryn paıdalana aldy. Qazir Almatyda bul salada damıtyn jergilikti baqylaýshylardyń tutas bir pýly bar.
Baspasóz ortalyǵynda jýrnalıs, bloger Maqsat Mamadıarov ta sóz sóılep, almatylyq baqylaýshylarǵa jumystaryna jaýapkershilikpen qaraǵandary úshin alǵysyn bildirdi. Ol baıqaýshylar men saılaý komısıasy músheleriniń synyna qatysty pikir bildirdi.
«Kóptegen arandatýshy suraqtar qoıyldy, tipti úzilis ýaqytynda syrtqa shyqqandarǵa qatysty syn aıtqandar boldy. Soǵan qaramastan, biz óz maqsatymyzdy oryndadyq», - dep habarlady Maqsat Mamadıarov.