Almaty qalasy Jumyspen qamtý jáne áleýmettik baǵdarlamalar basqarmasyna qarasty «Parasat» áleýmettik qyzmet kórsetý ortalyǵy KMM basshysy Zakırbaeva Lázattyń basshylyǵymen Qarttar kúni men múmkindigi shekteýli jandardyń aılyǵy aıasynda, ortalyqtyń qyzmet alýshylaryn «Gold» kafesine túski asqa shaqyryp, qaıyrymdylyq is-sharasyn ótkizdi.
Qurmanǵazy atyndaǵy Qazaq ulttyq konservatorıasy men Qazaq ulttyq qyzdar pedagogıkalyq ýnıversıtetiniń stýdentteri jáne Almaty servıstik qyzmet kórsetý koleji jastarynan quralǵan «Iapýraı» bı toby men áleýmettik qyzmetkerler án men kúıden shashý shashyp, bı bılep, qonaqtardyń kóńiline qýanysh syılady.
Mereke sońynda qyzmet alýshylarǵa syılyqtar tabystaldy. Al óz kezeginde qyzmet alýshylar áleýmettik qyzmetkerlerdi alda kele jatqan tól merekesimen quttyqtady.