"QTJ" UK" AQ-da astyq, untaq ónimderi sıaqty áleýmettik mańyzy bar júkterdi tasymaldaý máseleleri erekshe baqylaýda, dep habarlaıdy aqshamnews.kz.
Rail-news.kz-tiń habarlaýynsha, astyq pen untaq ónimderin tasymaldaýdy kún saıyn QTJ jedel astyq shtaby úılestiredi. Múddeli memlekettik organdarmen jáne júk jóneltýshilermen birlesip turaqty keńester ótkiziledi. Aqmola jáne Qostanaı júk tasymaldaý bólimshelerinde vagondardy ýaqtyly qabyldaý jáne resimdeý úshin jedel astyq toptarynyń táýlik boıǵy jumysy uıymdastyrylǵan.
Astyq júkterin úzdiksiz tasymaldaýdy uıymdastyrý boıynsha uıymdastyrýshylyq jáne tehnologıalyq sharalar qabyldanýda. Jańa eginniń astyǵyn tıimdi jáne jedeldetip jóneltý úshin QTJ marshrýttyq poıyzdardy qalyptastyrady jáne jóneltedi. Júk jóneltýshiler birkelki tıeýdi jáne vagon aınalymyn saqtaýdy qamtamasyz etken kezde jańa egin qolda bar astyq tasyǵyshtarmen, jabyq vagondar parkimen-aq áketiletin bolady. Eýropalyq baǵytta eksportty qamtamasyz etý úshin QTJ Reseı Federasıasynan astyq tasymaldaýshylardyń qosymsha parkin tartady.
Qyrkúıek-qazan aılarynda jáne qarashanyń 10 kúninde QTJ jelisi boıynsha jańa eginniń astyǵyn tasymaldaý 43%-ke ósip, 2,5 mln tonnadan asty.
El ishinde astyq jóneltilimderi 20% -ke, 534 myń tonnaǵa deıin ósti. Eksport 50% -ke, 2 mln tonnaǵa deıin artty. Jańa eginniń astyǵyn dástúrli Ortalyq Azıa naryqtaryna jóneltý 37% -ke artyp, 1,2 mln tonnadan asty. Aqtaý porty arqyly Iran baǵytynda QTJ jelisi boıynsha astyq tasymaldaý 30 esege ósti. Aýǵanstanǵa astyq eksporty 64% - ǵa ósti.