Aqmola garnızony Áskerı sotynyń úkimimen QR Tótenshe jaǵdaılar mınıstrliginiń Órtke qarsy qyzmet komıtetiniń tóraǵasy N. Derbısov pen Shymkent qalasy Tótenshe jaǵdaılar departamentiniń bastyǵy M. Jaqsybaev 5 jylǵa, Jetisý oblysy Tótenshe jaǵdaılar departamentiniń bastyǵy B. İzbasarov 9 jylǵa bas bostandyǵynan aıyryldy, dep habarlaıdy aqshamnews.kz
Olar bıznes ókilinen kásipkerlik qyzmetine qamqorlyq jasaǵany úshin jalpy somasy 39,7 mln teńge somasynda para alsa, B. İzbasarov 1,7 mln teńge somasynda ózine qosymsha aqshany zańsyz eseptep bılikti asyra paıdalanǵany úshin sottaldy.
Sondaı-aq atalǵan adamdar memlekettik qyzmette jáne kvazımemlekettik sektor sýbektilerinde laýazymdardy atqarý quqyǵynan aıyryldy.
Sot úkimi zańdy kúshine engen joq.
Konstıtýsıanyń 77-baby 3-tarmaǵynyń 1-tarmaqshasyna jáne Qylmystyq-prosestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.