Jıyn barysynda etnosaralyq qatynastar salasyndaǵy memlekettik saıasatty qoldaý baǵdarlamalary túsindirildi, - dep habarlaıdy Almaty-akshamy.kz.
Májilis depýtattary Irına Smırnova, Anatolıı Boıchın jáne Ǵazız Qulahmetov jumys sapary aıasynda jastar ókilderimen (onyń ishinde jumysshy jastar, jastar arasyndaǵy beıresmı kóshbasshylar, belsendiler), qoǵamdyq pikir kóshbasshylarymen, Qoǵamdyq kelisim keńesi men jergilikti ózin-ózi basqarý organdarynyń múshelerimen, jalpy bilim berý mekemeleri men kolejderdiń basshylyǵymen, oqytýshylar quramymen, úkimettik emes uıymdardyń ókilderimen, dinı qyzmetkerlermen jáne ǵıbadat mekemeleriniń qyzmetkerlerimen (ımamdar, dinı qyzmetkerler jáne t.b.) kezdesýler ótkizdi.
Qazaqstan Respýblıkasy Táýelsizdiginiń 30 jyldyǵyn merekeleý aıasynda QR Parlamenti Májilisiniń depýtattary Qazaqstan halqy Assambleıasy janyndaǵy jýrnalıser klýbymen, basqa da BAQ ókilderimen dóńgelek ústelde jınaldy. Onda etnosaralyq jýrnalısıkanyń damý máseleleri, zamanaýı patrıottyq sezimdi taratý joldary qaraldy.
«Aqparattyń búgingi qoǵamdaǵy mańyzdy rólin, ondaǵy jýrnalıserdiń atqarar rólin eskersek, olarǵy júktelgen júktiń aýyr ekeni sózsiz. Qoǵamda ózindik kózqarasy bar, bilimi bar, shyǵarmashylyǵyn sharyqtata bilgen jýrnalıser az emes. Sonaý 2000-jyldarda aqparattyq keńistikte qazaq tiline suranystyń azdyǵy sezilgenimen, ómirdiń kóshimen, lebimen qazaq tiline degen suranys udaıa artyp otyr. Áli de osy baǵytta jumys isteýimiz qajet», - dedi Ǵazız Zınel-Ǵabıdenuly.
Odan bólek, tuǵyrly Táýelsizdik merekesin atap ótý sheńberinde etnosaralyq qatynastar men jalpyulttyq birlikti damytýǵa eleýli úles qosqan, erekshe kózge túsken jurtshylyq ókilderin Qazaqstan halqy Assambleıasynyń Alǵys gramotasymen marapattaý rásimi ótti.
QR Parlamenti Májilisi depýtattarynyń qatysýymen ótken joǵaryda atalǵan is-sharalardyń barlyǵy, eń aldymen, qazaqstandyq biregeılik pen jalpyulttyq birlikti nyǵaıtýǵa, Qazaqstannyń etnostyq toptarynyń dástúrlerin, tilderin, mádenıetterin saqtaý, etnosaralyq toleranttylyq pen qoǵamdyq kelisimdi qalyptastyrý, Assambleıanyń maqsattary men mindetterine qol jetkizýde etnomádenı birlestikterdiń kúsh-jigerin biriktirý jónindegi ortaq mindetterdi sheshýge baǵyttalǵan.