Dıma Bılan úshtiktiń arasynan qazaqstandyqty tańdady
Amre sahnalyq atymen tanymal qazaqstandyq ánshi Ernar Sadyrbaev reseılik «Golos» shoýynyń onynshy maýsymynyń kezekti kezeńinen sátti ótti, - dep habarlaıdy Almaty-akshamy.kz Tengrinews.kz-ke silteme jasap.
«Jarǵa jyǵý» kezeńinde astanalyq ánshi shoýdy jalǵastyrý úshin Maksım Iýdın jáne Elına Panmen saıysty. Ernar Andrea Bochellıdiń Melodramma ánin shyrqady.
Án sońynda tálimgerler úsh qatysýshynyń árqaısyna baǵa berdi.
«Ernar bul mýzykany jaqsy oryndap shyqty. Sizdi tyńdaý óte jaǵymdy, raqmet», - dedi Leonıd Agýtın.
«Bochellı týraly aıtsam. Karerasyn endi ǵana bastaǵan, áli jetilmegen vokalıstiń nusqasyn tyńdaý óte qıyn. Notalardyń barlyǵyna derlik jaqsy tústiń. Biraq bul týyndyda siz Bochellı nemese Pavarottı ıa basqa bireý bolýyńyz kerek, biraq ázirge óte ádemi jáne dál shyrqadyńyz, biraq stýdenttik aksent bar», - dedi Aleksandr Gradskıı.
Nátıjesinde tálimger Dıma Bılan úshtiktiń arasynan qazaqstandyqty tańdady.