Dáýren Qosanov Qorǵanys mınıstri bolyp taǵaıyndaldy, - dep habarlaıdy aqshamnews.kz.
"Memleket basshysynyń Jarlyǵymen Dáýren Jumataıuly Qosanov Qazaqstan Respýblıkasynyń Qorǵanys mınıstri bolyp taǵaıyndaldy, ol burynǵy atqarǵan laýazymynan bosatyldy", - delingen habaralamada.
Dáýren Qosanov týraly ne belgili?
Dáýren Qosanov 1969 jyly 14 qazanda Pavlodar oblysy Krasnokýt aýdany Novotroıskoe aýylynda dúnıege kelgen.
1990 jyly Armavır joǵary áskerı avıasıalyq ushqyshtar ýchılıshesin, 2005 jyly Iý. A. Gagarın atyndaǵy Áskerı-áýe akademıasyn bitirgen, 2013 jyly Reseı Federasıasy Qarýly kúshteri bas shtabynyń áskerı akademıasyn bitirgen.
Ár jyldary Taldyqorǵandaǵy "Sý-27" eskadrılıasynyń komandıri, Qaraǵandy avıabazasy shtabynyń bastyǵy, Shymkent avıabazasynyń komandıri, Qazaqstan Respýblıkasy Qarýly kúshteri áýe qorǵanysy kúshteri áskerı-áýe kúshteriniń qolbasshysy, Aqtóbe qalasyndaǵy Áýe qorǵanysy kúshteri áskerı ınstıtýtynyń dırektory qyzmetterin atqarǵan.
2022 jylǵy 29 jeltoqsanda Qazaqstan Respýblıkasy Prezıdentiniń buıryǵymen Qazaqstan Respýblıkasy Qarýly kúshteri áýe qorǵanysy kúshteriniń bas qolbasshysy laýazymyna taǵaıyndaldy.
"Áskerı ushqysh mergen". II dárejeli "Dańq" ordenimen, "Jaýyngerlik erigi úshin" medalimen jáne mereıtoılyq medaldarmen marapattalǵan.