Marat Qarabaev kólik mınıstri laýazymynan bosatyldy, - dep habarlaıdy aqshamnews.kz.
"Memleket basshysynyń Jarlyǵymen Marat Kárimjanuly Qarabaev Qazaqstan Respýblıkasynyń kólik mınıstri laýazymynan bosatyldy", - delingen habarlamada.
Marat Qarabaev týraly ne belgili?
Marat Qarabaev 1987 jyly 4 shildede Ózbekstan Respýblıkasynyń Tashkent oblysynda týǵan. Tashkent avtomobıl joly ınstıtýtyn, Ýorvık ýnıversıtetin (Ulybrıtanıa), M.H. Dýlatı atyndaǵy Taraz memlekettik ýnıversıtetin bitirgen.
Eńbek jolyn 2011 jyly QR Aýyl sharýashylyǵy mınıstrliginiń Sý sharýashylyǵy komıtetiniń Sý sharýashylyǵy ımarattarynyń jelilerin paıdalaný jáne damytý basqarmasynyń sarapshysy retinde bastady.
2011 jyldan 2013 jyl aralyǵynda — QR Indýstrıa jáne jańa tehnologıalar mınıstrligi Jańa tehnologıalar jáne energıa únemdeý departamenti Servıstik ındýstrıany tehnologıalyq damytý basqarmasynyń bas sarapshysy.
2014-2015 jyldary — Ońtústik Qazaqstan oblysy, Shymkent qalasy Kásipkerlik jáne ındýstrıaldy-ınnovasıalyq damý basqarmasy basshysynyń orynbasary.
2015-2017 jyldary — Ońtústik Qazaqstan oblysy, Shymkent qalasy Kásipkerlik jáne ındýstrıaldy-ınnovasıalyq damý jáne týrızm basqarmasynyń basshysy.
2018-2019 jyldary — QR Sıfrlyq damý, qorǵanys jáne aeroǵarysh ónerkásibi mınıstrliginiń Qorǵanys-ónerkásip keshenin damytý departamentiniń dırektory.
2019 jylǵy tamyzdan bastap qazirgi tańǵa deıin QR Indýstrıa jáne jańa tehnologıalar mınıstrliginiń Qorǵanys-ónerkásip keshenin damytý departamentiniń dırektory qyzmetin atqardy.