SHQO-da aýyl turǵyny aýrýhanada boqtaǵany úshin jaýapqa tartyldy.
Aýyl turǵyny Shemonaıha aýdandyq aýrýhanasyna aıaǵynan jaraqat alyp júgingen. Qabyldaý bólmesine jetkizilgen áıel basqa naýqastarmen birge tekserýge kezek kútken. Kútýge shydamy jetpegen turǵyn qoǵamdyq oryndarda qoldanýǵa tyıym salynǵan sózderdi qoldanyp, narazylyǵyn bildiripti. Aýrýhana qyzmetkerleri polısıaǵa júginýge májbúr bolǵan, dep habarlaıdy Almaty-akshamy.kz Ulysmedia.kz-ke silteme jasap.
Áıelge qarsy ákimshilik is qaralǵan Shemonaıha aýdandyq sotynda turǵynnyń qoǵamdyq oryndaǵy balaǵat sóz úshin buǵan deıin de jaýapqa tartylǵany anyqtaldy. Sot oǵan úsh táýlikke ákimshilik qamaýǵa alý jazasyn taǵaıyndady.
Eske salaıyq, 6 naýryzdan bastap Ákimshilik quqyqbuzýshylyq týraly kodekske balaǵat sózder aıtqany úshin jazany kúsheıtetin túzetýler kúshine endi. Budan bylaı qoǵamdyq oryndarda boqtaǵandar 69 myń teńge aıyppul (buryn 17 250 teńge bolǵan) arqalaıdy nemese 15 táýlikke deıingi merzimge qamaýǵa alynady. Mundaı normalar QR ÁQBtK-niń 434-babyna engizilgen.