Búgin iske qosylǵan saıt jumysy Qurban aıttyń úshinshi kúni, ıaǵnı 22 shildege deıin jalǵasady.
QMDB Tóraǵasy Naýryzbaı qajy Taǵanuly Ortalyq komýnıkasıalar qyzmetinde ótken brıfıńte bıyl qurban shalý rásimin qashyqtan ótkizýge arnalǵan qurban2021.kz saıty iske qosylǵanyn aıtty, dep habarlaıdy Almaty-akshamy.kz
Bas múftı qurban2021.kz jobasynyń maqsaty qaıyrymdylyqqa dáneker bolý, halyqtyń densaýlyǵy men ómirine tóngen qaýipti seıiltýge úles qosý, qurban shalýǵa nıet bildirgen jandarǵa karantın jaǵdaıynda ońtaıly jol usyný ekenin atap ótti.
«QMDB-nyń qurban2021.kz saıty búgin saǵat 15:00-de iske qosylyp, Qurban aıttyń úshinshi kúni, ıaǵnı 22 shildege deıin jumys isteıdi. Qurban shalýǵa nıet etken azamattar osy aralyqta tapsyrys bere alady. Sondaı-aq 17 shildeden bastap osy saıt arqyly muqtaj otbasylardyń qurbandyq etin alý úshin ótinish berýine bolady. Muqtaj otbasylardyń ótinishterin qabyldaý, saraptaý jáne qurbandyq etterin jetkizip berý jumystarymen QMDB-nyń jergilikti ókildikteri jáne eriktiler aınalysady», - dedi Naýryzbaı qajy Taǵanuly.
Brıfıńte Bas múftı aýyldyq jerde jeke turǵyn úıde turatyn ár adamnyń qurban shalýyna QMDB tarapynan eshqandaı shekteý bolmaıtynyn jetkizdi.