Ulttyq kompanıa mártebesi saqtalatyn bolady.
«QazAvtoJol» men «Kazahavtodor» kompanıalaryn biriktirý osy jyldyń qarasha aıynyń sońyna qaraı aıaqtalady, dep habarlaıdy Almaty-akshamy.kz QazAqparatqa silteme jasap.
Bul týraly «QazAvtoJol» UK» basqarmasy tóraǵasynyń orynbasary Serik Aıdos elordada ótken brıfıńte aıtqan.
«Proses bastalyp ketti. Bul prosedýra birshama ýaqytty alady. Qarasha aıynyń sońyna deıin bul jumysty aıaqtaımyz», - dedi Serik Aıdos BAQ ókilderiniń saýalyna oraı.
Sonymen qatar ol eki ulttyq kompanıa birikkennen keıin qansha qyzmetker qysqaratyndyǵyna da toqtaldy.
«Ázirshe shamamen 10 paıyzyn qysqartamyz. Bul 30-ǵa jýyq adamdy quraıdy. Ulttyq kompanıa mártebesi saqtalatyn bolady», - dedi ol.
Shilde aıynda ótken Úkimettiń keńeıtilgen otyrysynda Memleket basshysy Qasym-Jomart Toqaev Úkimetke «QazAvtoJol» jáne «Kazahavtodordy» biriktirip, Qazaqstannyń birtutas avtojol kompanıasyn qurýdy tapsyrǵan edi.