Kúzde ótetin Prezıdent saılaýy qańtar oqıǵasynan keıingi birinshi mańyzdy saıası naýqan bolmaq.
Bul jaıly AQSH taǵy Ortalyq Azıa isteri jónindegi Oxus Society qoǵamdastyǵynyń prezıdenti Edvard Lemon málimdedi, dep habarlaıdy Almaty-akshamy.kz.
Sondaı-aq sarapshy Prezıdent ókilettigi merziminiń sanyn qysqartý halyq senimine ıe bolý úshin asa qajet qadam deıdi. Qaýymdastyq prezıdenti qańtar oqıǵasyna qatysqandarǵa bir rettik raqymshylyq jasaý boıynsha da pikirin bildirdi.
«Bul - óte mańyzdy qadam. Qańtar oqıǵasy kezinde halyq eldegi áleýmettik máselelerge qatysty Úkimetke únin estirtý úshin beıbit sherýge shyqty. Ókinishke oraı, sherý sońy buzaqylyqqa ulasyp, kóp adam qamaldy. Qańtar oqıǵasyna ne sebep bolǵany áli de tereń zerdelenýi tıis. Osy oraıda, Prezıdenttiń málimdemesi óte durys sheshim boldy dep oılaımyn»,- deıdi Oxus Society uıymynyń prezıdenti Edvard Lemon.