Erte pisken pıaz kelesi aptada kelýi tıis.
Qazaqstannyń Almaty, Aqtóbe jáne Qyzylorda oblystary erte pisken tájik pıazyn satyp alýdan bas tartty, dep habarlaıdy Almaty-akshamy.kz.
Qazaqstan Respýblıkasynyń 10 oblysy – Batys Qazaqstan, Shyǵys Qazaqstan, Aqmola, Túrkistan, Abaı, Jetisý jáne Jambyl oblystary Tájikstannan jalpy kólemi 260 tonna erte pisken pıazdy birinshi jetkizýge kelisimshartqa otyrdy. Qorytyndylaý satysynda – Atyraý, Qaraǵandy, Soltústik Qazaqstan oblysy jáne Almaty qalasy. Alǵashqy jetkizilimder 18-19 mamyrda 180 tonna kóleminde bolady dep kútilýde.
Sondaı-aq, Qazaqstannyń 11 oblysy qazaqstandyq alqaptardan jalpy kólemi 2198 tonna erte qyryqqabatty jetkizýge kelisim-shartqa otyrsa, úsh oblys nıet týraly kelisimge qol qoıdy. Bul kókónisti jetkizýge Astana qalasy, Abaı, Aqmola, Atyraý, Jambyl, Mańǵystaý, Túrkistan jáne Ulytaý oblystary kelisimshart jasamaǵan.
QR Saýda jáne ıntegrasıa mınıstrliginiń baspasóz qyzmeti habarlaǵandaı, ótken jyly jınalǵan kókónisterdiń qalyptasqan qoryn esepten shyǵarý jumystary jalǵasýda.
Ótken aptada áleýmettik mańyzy bar ónimder baǵasynyń jalpy ındeksi 0,2%-ǵa ósti. Negizgi maýsymdyq ósim taýarlardyń kókónis tobyna keldi: qyryqqabat (9,7%), pıaz (3,0%), kartop (2,4%), sábiz (2,2%).
Úshinshi aı qatarynan qaraqumyq jarmasy baǵasynyń tómendeý úrdisi jalǵasýda – apta ishindegi kórsetýish 2,1% (2023j. 4 aıynda -20,6%). Ótken aptada un baǵasynyń jalpy ındeksi – 1,5%, jumyrtqa – 0,7%, kúnbaǵys maıy -0,2% (2023 j. aıda -4,7%) tómendedi, sút jáne rojkı -0,2%, taýyq eti men tuz - 0,3%, kúrish pen qant – 0,1%.
2023 jylǵy 12 mamyrdaǵy jaǵdaı boıynsha elimizdiń 10 óńiri Tájikstannan jalpy kólemi 260 tonna erte pıazdy alǵashqy jetkizýge kelisimshart jasasty. Bul Ulytaý, Qostanaı, Pavlodar, Batys Qazaqstan, Shyǵys Qazaqstan, Aqmola, Túrkistan, Abaı, Jetisý, Jambyl oblystary. Kelisimshart jasasý satysynda – Atyraý, Qaraǵandy, SQO jáne Almaty qalasy. Al Almaty, Aqtóbe jáne Qyzylorda oblystary erte tájik pıazyn satyp alýdan bas tartty. Alǵashqy jetkizilimder aǵymdaǵy jyldyń 18-19 mamyrynda 180 tonna kóleminde kútiledi.
11 óńir jalpy kólemi 2 198 tonna qazaqstandyq egistikterden erte qyryqqabat jetkizýge shart jasasty, nıet sharttaryn úsh óńir jasady. Astana, Abaı, Aqmola, Atyraý, Jambyl, Mańǵystaý, Túrkistan, Ulytaý oblystaryn qyryqqabat jetkizýge shart jasasqan joq.
Ótken jylǵy eginniń qalyptasqan kókónis qorlaryn shyǵarý boıynsha jumys jalǵasýda. 10 mamyrdaǵy jaǵdaı boıynsha satýdyń jalpy kólemi 73 504 tonnany qurady, onyń ishinde kartop – 35 745 tonna, sábiz – 13 503 tonna, pıaz – 13 737 tonna, qyryqqabat – 10 519 tonna. Qorlardyń jalpy kólemi 139 466,7 tonnany quraıdy.
Inflásıa deńgeıin sıpattaıtyn tutyný baǵalary ındeksiniń qurylymynda azyq-túlik taýarlary 41,8 paıyzdy, azyq-túlik emes taýarlar 29,6 paıyzdy, aqyly qyzmetter 28,6 paıyzdy quraıdy. Azyq-túlik taýarlarynyń quramynda ÁMAT úlesi 11,7%-ǵa teń.