Tankıster erligimen, tózimdiligimen jáne batyldyǵymen erekshelenedi.
Tabandylyǵymen jáne beriktiligimen erekshelenetin tankıster kásibı merekesin atap ótýde, dep habarlaıdy Almaty-akshamy.kz.
«Bul kún tarıhta 1942 jyly Shymkent jastary «Qazaqstan komsomoldary» degen jazýy bar 46 T-34 tankin jetinshi jáne on úshinshi jeke tank polkterine beretin oqıǵamen este qaldy. Tank leginiń qurylysyna qajetti qarajatty jınaýǵa búkil respýblıkanyń jastary jumyldy. Tankter búgingi kúni de álemniń kóptegen elinde áskerlerdiń negizgi jaýyngerlik qýatyn kórsetetini belgili. Olardyń basty artyqshylyǵy – qorǵanysy men jaýyngerlik qýatynda»,– delingen Qorǵanys mınıstrliginiń baspasóz qyzmetiniń habarlamasynda.
Qazaqstannyń Qarýly Kúshterinde tank bólimderi men bólimsheleri eldiń ár óńirinde ornalasqan, sondaı-aq jaýyngerlik turǵyda udaıy ázirlikte.
«Tankıster is-qımyldyń jańa tásilderin ıgere otyryp, úzdiksiz jaýyngerlik daıarlyq deńgeıin arttyryp, kásibı sheberlikterin shyńdaýda. Aýqymdy «Aldaspan-2020» oqý-jattyǵý barysynda tank bólimsheleri «Tank karýseli» tásilin synady. Al «Qalqan-2021» kezinde jeńilý yqtımaldyǵyn azaıtýǵa jáne qarsylasty adastyrýǵa múmkindik beretin «Saq qorǵany» ádisin qoldandy», – dep habarlady mamandar.
Tankıster erligimen, tózimdiligimen, tabandylyǵymen, beriktiligimen jáne batyldyǵymen erekshelenedi. Tank áskerleriniń ofıserleri udaıy oqý-jattyǵýlar men manevrlerge qatysady. Olar taktıkany jáne shapshańdyqty, áskerlerdi urysta qoldanýdy, qarý-jaraq pen áskerı tehnıkanyń negizderin jetik meńgergen. Qazaqstan Qarýly Kúshteriniń basshylyǵynda barlyq jyldarda tank bólimderi men bólimshelerinde qyzmet etip, áskerı ómirge joldama alǵan generaldardyń bolýy kezdeısoqtyq emes.
«2014 jyldan bastap jylda bizdiń komanda júldeli oryndar alyp, Armıa halyqaralyq oıyndarynyń «Tank bıatlony» konkýrsynda el áskeriniń namysyn qorǵap keledi. 2021 jyly qazaqstandyq komanda 19 el qatysqan saıysta úshinshi oryn ıelendi. Bizdiń tankıster Reseı men Qytaıdan kelgen tankısterge ese jibergenmen, Ázerbaıjan, Belarýs, Serbıa, Ózbekstannyń úzdik ekıpajdarynan basyp ozdy»,– delingen Qorǵanys mınıstrliginiń habarlamasynda.
Búginde jaýynger-tankıster tank áskerleriniń dańqty dástúrin muqıat saqtaı otyryp, jalǵastyryp keledi. Olar joǵary kásibı sheberlikti kórsete otyryp, is-qımyldyń jańa ádisteri men tásilderin tabysty meńgeredi jáne jaýyngerilk oqý-jattyǵý tapsyrmalaryn tolyq deńgeıde oryndaıdy.
