Kartop baǵasy 64%-ǵa, al sábiz 54%-ǵa tómendedi.
Sońǵy úsh aptada Qazaqstanda pıaz 4%, al qyryqqabat 2% arzandapty. Bul týraly Saýda jáne ıntegrasıa mınıstri Baqyt Sultanov Úkimet otyrysy barysynda aıtyp berdi, dep habarlaıdy Almaty-akshamy.kz.
Mınıstrdiń aıtýynsha, baǵanyń ósýiniń úlken úlesi kókónisterge tıesili, bul jalpy ósimde 5,9 paıyzdyq tarmaqty alady.
Baǵany turaqtandyrý ishki naryqty jańa eginniń otandyq kókónisterimen qanyqtyrý nátıjesinde múmkin boldy.
«Sońǵy 3 aptada baǵalar 0,7 paıyzdyq tarmaqqa tómendedi. Sonymen, olardyń eń joǵary ósý kezeńinen bastap kartop 64%, sábiz 54%, pıaz 4%, qyryqqabat 2% arzandady», – dedi mınıstr.
Keltirilgen statısıka boıynsha, baǵanyń eń joǵary ósýi Túrkistan oblysynda - 11,4%-ǵa, Qyzylorda oblysynda jáne Nur-Sultan qalasynda 11,0%-ǵa tirkeldi.
Baǵanyń eń tómengi ósimi Qaraǵandy oblysynda 8,6%-ǵa, Almaty qalasynda 8,9%-ǵa jáne Almaty oblysynda 9,2%-ǵa belgilendi.