Ózara saýda 7 725,6 mln AQSH dollardy qurady.
Aldyn ala derekter boıynsha, Qazaqstan Respýblıkasynyń EAEO elderimen 2022 jylǵy qańtar-sáýirdegi ózara saýdasy 7 725,6 mln AQSH dollaryn qurap, ótken jyldyń sáıkes kezeńimen salystyrǵanda nomınaldy mánde 5,4% kóbeıdi, dep habarlaıdy Almaty-akshamy.kz.
2022 jylǵy qańtar-sáýirdegi taýarlar eksporty 2 298,7mln AQSH dollary deńgeıinde qalyptasty (1,2% kóp), ımport – 5 426,9 mln AQSH dollary (7,4% kóp).
«Qazaqstan Respýblıkasynyń EAEO elderimen syrtqy saýda aınalymynyń jalpy kóleminde Reseı Federasıasyna – 93,1%, Qyrǵyzstan Respýblıkasyna – 3,8%, Belarýs Respýblıkasyna – 3,1%, Armenıa Respýblıkasyna – 0,06% keledi», - delingen Ulttyq statısıka búrosynyń habarlamasynda.
EAEO elderimen eksport boıynsha ótken jyldyń sáıkes kezeńimen salystyrǵanda jasandy korýnd (alúmını oksıdi, alúmını gıdroksıdi) boıynsha eń joǵarǵy ósim – 3,2 esege ósý baıqaldy. Bul rette kúıdirilgen pırıtti qosa alǵanda, temir kenderi men konsentrattary boıynsha tómendeý baıqalady (42,1% az).