Eki el azamattarynyń kelý jáne ketý tártibine qatysty túzetýler engizilgen
Qazaqstan men Ózbekstan óz azamattarynyń kórshi el aýmaǵynda tirkeýsiz ózara bolý merzimin 5 kúnnen 30 kúnge deıin uzartty, dep habarlaıdy Almaty-akshamy.kz QazAqparatqa silteme jasap.
Ózbekstannyń Syrtqy kóshi-qon agenttiginiń habarlaýynsha, «Azamattardyń ózara saparlarynyń sharttary týraly» úkimetaralyq kelisimge eki el azamattarynyń kelý, bolý jáne ketý tártibine qatysty túzetýler engizilgen.
«Bir tarap memleketiniń azamattary, eger olardyń bolý merzimi kúntizbelik 30 kúnnen, al jalpy alǵanda – 180 táýliktiń árbir kezeńinde barlyǵy 90 kúnnen aspasa, ekinshi tarap memleketiniń aýmaǵyna ýaqytsha turýǵa yqtıarhat (ýaqytsha tirkeýge yqtıarhat) bermeı-aq kiredi, shyǵady, tranzıtpen júredi. Memlekettik shekarany kesip ótken sátten bastap kúni esepteledi», - delingen vedomstvo habarlamasynda.
Budan buryn habarlanǵandaı, 2022 jylǵy qarashada Qazaqstan Respýblıkasy men Ózbekstan Respýblıkasy İshki ister mınıstrlikteri eki el úkimetteri arasyndaǵy azamattardyń ózara saparlary sharttary týraly ózgerister engizdi. Olar ishki rásimder aıaqtalǵan soń kúshine enýi tıis.