Qazaqstandyq Aleksandr Nedovesov juptyq synda Ispanıadaǵy Marbelá chellendjer týrnıriniń shırek fınalyna shyqty, dep habarlaıdy Almaty-akshamy.kz QazAqparatqa silteme jasap.
Qazaqstan tenıs federasıasy málim etkenindeı, jarystyń birinshi raketkasy bolyp tirkelgen A.Nedovesov pen pákstandyq Aısam Kýreshı bastapqy kezdesýin brazılıalyq Rafael Matos – ıspanıalyq Davıd Vega-Ernandespen ótkizdi.
Qazaqstandyq-pákstandyq jup 6:3, 6:4 esebimen jeńiske jetti.
Nedovesov pen Kýreshı 1 saǵat 22 mınýtqa sozylǵan báseke barysynda 5 breık-poınttyń ekeýin paıdalana bildi. Olardyń shırek fınaldaǵy qarsylastary keıin anyqtalady.
Portýgalıanyń Oeırash qalasynda ótip jatqan chellendjer jarysynda jekeleı synda Dmıtrıı Popko alǵashqy kezdesýinde ıtalıalyq Lýsıano Darderıden 3:6, 2:6 esebimen utylyp qaldy. Al Tımofeı Skatov ekinshi aınalymda Brazılıanyń birinshi, álemniń 116-raketkasy Tágo Monteıroǵa tartysty machta ese jiberdi – 7:6 (7:5), 2:6, 6:7 (4:7).