Atyraý oblysynyń Isataı jáne Qurmanǵazy aýdanynda birneshe jylqynyń belgisiz sebepten ólgeni anyqtaldy, dep habarlaıdy Almaty-akshamy.kz Atyraý oblystyq komýnıkasıa qyzmetine silteme jasap.
Oblystyq aýyl sharýashylyǵy basqarmasynyń basshsy Amangeldi Salamattyń aıtýynsha, olardyń sebebin anyqtaý úshin 25 naýryz kúni jergilikti veterınar mamandar synama alyp, Ulttyq veterınarıalyq referenttik ortalyqqa tapsyrǵan. Atalǵan ortalyq jylqylarda ınfeksıalyq anemıa men rınopnevmonıa aýrýlary, ıaǵnı asa qaýipti juqpaly aýrýlar bolmaǵanyn anyqtady.
Al veterınarıa mamandary olardan parazıtarlyq aýrý belgilerine uqsas jaǵdaıdy baıqaǵandyqtan, oblystyq veterınarıalyq zerthanaǵa da parazıtarlyq aýrýlardy anyqtaý úshin synama tapsyryldy. Zertteý nátıjesi shyqqan soń qosymsha jarıalanady.
Maly aýyrǵanyn habarlaǵan birneshe azamattyń jylqylaryna qazirgi ýaqytta jergilikti jerdegi veterınar mamandary sımptomatıkalyq jumystaryn júrgizýde.
«Sondaı-aq oblys ákimdigi óńirge Qazaq veterınarıalyq ǵylymı-zertteý ınstıtýty men Bıologıalyq qaýipsizdik problemalarynyń ǵylymı-zertteý ınstıtýty mamandaryn aldyrýda. Olar erteń ıaǵnı 31 sáýir men 2 sáýir aralyǵynda atalǵan aýdandarda synama alyp, zertteý jumystaryn júrgizedi»,-delingen habarlamada.