Qazirgi ýaqytta respýblıkalyq mańyzy bar barlyq joldar ashyq.
9-14 naýryz aralyǵynda barlyq avtokólik túrleri úshin respýblıkalyq mańyzy bar avtomobıl joldarynda júrýge shamamen 45 ret shekteý engizildi, dep habarlaıdy Almaty-akshamy.kz
«QazAvtoJol» UK AQ baspasóz qyzmetiniń málimetinshe, kún saıyn aýa raıynyń qolaısyzdyǵyna 600-den astam arnaıy tehnıka men 1 myńǵa jýyq jol jumysshylary jumyldyrylyp, respýblıkalyq mańyzy bar 5 myń shaqyrymnan astam jol tazartyldy.
Eske sala ketsek, respýblıkalyq mańyzy bar joldardyń jalpy uzyndyǵy 25 myń km quraıdy. Sonymen qatar, qolaısyz aýa raıynda «QazAvtoJol» UK AQ biryńǵaı táýlik boıy call-ortalyǵy 1403 qysqa nómiri boıynsha 2 myńnan astam qońyraýǵa jaýap berdi.