Olımpıada Japonıanyń Osaka qalasynda 24 shilde men 2 tamyz aralyǵynda onlaın formatta ótti.
Ulttyq quramanyń qorjynynda úsh kúmis jáne bir qola bar, dep habarlaıdy Almaty-akshamy.kz QR BǴM baspasóz qyzmetine silteme jasap.
Zıatkerlik jarysqa álemniń 79 elinen 312 oqýshy qatysty. Qazaqstannyń atynan Nur-Sultan, Almaty, Qaraǵandy jáne Pavlodar qalasynan tórt oqýshy, ıaǵnı respýblıkalyq pándik olımpıadanyń jeńimpazdary qatysty.
Ulttyq quramany jarysqa tájirıbeli pedagogter men jattyqtyrýshylar daıyndady. Teorıalyq tapsyrmalardy joǵary deńgeıde oryndaǵan qazaqstandyq qatysýshylardyń barlyǵy júldeger atandy.
QR Bilim jáne ǵylym mınıstri Asqat Aımaǵambetov óziniń Facebook paraqshasynda barlyq qatysýshylardy jeńisterimen quttyqtady.
«Olımpıadaǵa qatysýshylardy joǵary jetistiktermen quttyqtaımyn! Sizder daıyndyqtaryńyzdyń myqty ekenin kórsettińizder. Ár medal - sizderdiń qajyrly eńbekterińiz ben jeńiske degen umtylystaryńyzdyń nátıjesi. Sizderge jańa shyńdardy baǵyndyrýda sáttilik tileımin! Olımpıada júldegerleriniń ustazdary men jattyqtyrýshylaryna bergen bilimderi úshin, al ata-analaryna qoldaý kórsetkeni úshin alǵys aıtamyn. Óz kezeginde Bilim jáne ǵylym mınıstrligi oqýshylarymyzdyń zıatkerlik jarystarda kóshbasshylyq orynǵa ıe bolýy úshin jaǵdaı jasaýdy jalǵastyrady», – dep jazdy Asqat Aımaǵambetov.