US Open FIRST LEGO League halyqaralyq chempıonatynda Qaraǵandy oblysynyń «Murager» mamandandyrylǵan mektep-ınternaty jáne Shymkent qalasyndaǵy NZM oqýshylary qola medal jeńip aldy.Chempıonatqa álemniń 20 elinen 700 - den astam oqýshy qatysty, dep habarlaıdy almaty-akshamy.kz Qazaqstan Respýblıkasynyń Oqý-aǵartý mınıstrligine silteme jasap.
Shymkenttik «Clutch» toby Innovation Project Award nomınasıasynda úzdik úshtikke enip, qola júldege ıe boldy. Olar jel generatory men kún panelderinen alynatyn elektr energıany saqtaýǵa múmkindik beretin ınovasıalyq joba usynǵan bolatyn. Jel elektr stansıasyn daıyndaǵan qaraǵandylyq «JelToqSun» komandasy el tarıhynda alǵash ret jarystyń Champions Award basty júldesiniń 3-ornyna qol jetkizdi.
«Biz chempıonatqa jarty jyldan astam ýaqyt daıyndaldyq. Úsh kúndik jarys biz úshin óte qyzyqty boldy, óıtkeni myqty qarsylastar keldi. Alǵashynda qobaljyǵanmen ishki qorqynyshty jeńip, óz qabiletimizdi kórsete aldyq. Biz Robottar oıynynda kóshbasshylar qatarynda boldyq. Inovasıalyq jobany tanystyryp, ózimizdiń uıymshyldyǵymyzdy kórsete bildik», – deıdi qatysýshylardyń biri Akbar Ermekov.
Jarys arasynda qazaqstandyq oqýshylar MIT, Boston University jáne Harvard sekildi bedeldi oqý oryndarynyń ınjenerlik fakúltetterine baryp, profesorlarmen jeke tanysty. Olardyń pikirin tyńdap, óz tájirıbelerine qajet keńes aldy.
Esterińizge sala keteıik, eki komanda da Oqý-aǵartý mınıstrliginiń qoldaýymen jyl basynda USTEM Robotics qoǵamdyq qory uıymdastyrǵan FIRST Central Asia Ortalyq Azıa oıyndarynda halyqaralyq chempıonatqa joldama alǵan bolatyn.