Qazaqstanda 14 jastan bastap jumys isteýge ruqsat etiledi.
Jazda elimizde promoýter, kýrer, baılanys ortalyǵynyń operatorlary mamandaryna suranys kóp, dep habarlaıdy almaty-akshamy.kz Jumyspen qamtý ortalyǵyna silteme jasap.
Jumyspen qamtý saıtynyń málimetinshe, bir aıda osyndaı eki júz qyzmetker qajet bolǵan. Negizgi sharttardyń biri - ata-analar men oqý orny ókilderiniń jazbasha kelisimi kerek.
Rahıma Mahmýdova, PR-menedjer
- Jasóspirimge jumys usynǵanymen eńbek shartyn bekitpeıtinder bolady. Men muny quptamaımyn, óıtkeni jumys berýshiler aldap, jalaqy tólemeıtin jaǵdaılar jıi kezdesedi. Sondyqtan barlyǵyn zań sheńberinde jasaǵan durys. Zań boıynsha Qazaqstanda 14 jastan bastap jumys isteýge ruqsat etiledi. Eń bastysy, bul oqýdan bos ýaqytta bolýǵa tıis jáne jasóspirimniń densaýlyǵy men psıhıkasyna zıan tıgizbeýi kerek. Kámeletke tolmaǵandarǵa túnde eńbektenýge tyıym salynady. Budan da basqa shekteýler bar. 14 jasqa deıingi balalarǵa aptasyna 24 saǵattan, 16 jasqa deıingi jetkinshekterge 36 saǵattan artyq jumys isteýge bolmaıdy.