Jánibek Álimhanuly úzdik TOP-15-ten shyǵyp qaldy.
Dúnıejúzilik boks qaýymdastyǵy (WBA) barlyq salmaq dárejesindegi boksshylar reıtıńiniń jańa nusqasyn usyndy, dep habarlaıdy Almaty-akshamy.kz QazAqparatqa silteme jasap.
Osynyń aldynda jetinshi bolǵan orta salmaqtaǵy Jánibek Álimhanuly úzdik TOP-15-ten shyǵyp qaldy.
Eske salaıyq, 22 mamyrda «Qazaq stıli» laqap atymen belgili boksshy brıtandyq Dennı Dıgnýmdy nokaýtqa jiberip, WBO tujyrymy boıynsha «aralyq» álem chempıony ataǵyn jeńip aldy.
WBA Super nusqasy boıynsha orta salmaqtaǵy chempıon – qazaqstandyq Gennadıı Golovkın. Ol IBF jáne IBO beldikterine ıe.
Reıtıńtiń alǵashqy «úshtigine» brıtandyq kishi Krıs Iýbank, meksıkalyq Haıme Mýngıa jáne japon boksshysy Rıota Mýrata engen.
Buǵan deıin Boxrec.com saıtynyń úzdik qazaqstandyq boksshylar reıtıńiniń jańartylǵan nusqasyn usynǵan bolatynbyz. Onda Jánibek Álimhanuly (12-0, 8 KO) Gennadıı Golovkınnen (42-1-1, 37 KO) keıin ekinshi orynda tur.