Atalmysh konkýrsqa Belarýs, Iran, Qazaqstan jáne Reseı komandalary qatysady.
Otandyq áskerıler Armıalyq halyqaralyq oıyndarǵa qatysý maqsatynda daıyndyq jumystaryn júrgizip jatyr, dep habarlaıdy Almaty-akshamy.kz.
«Gvardeıskıı garnızonynyń «Mátibulaq» polıgonynda ushqyshsyz ushatyn apparattar eseptoptary Armıalyq halyqaralyq oıyndar sheńberinde ótkiziletin «Suńqar ańshylyǵy» konkýrsyna daıyndalýda»,– delingen Qorǵanys mınıstrliginiń baspasóz qyzmetiniń habarlamasynda.
Mamandardyń aıtýynsha, ótken jyldardaǵy Armıalyq oıyndardaǵydaı bizdiń komanda bul joly da «Skylark-1LEX» ushqyshsyz ushatyn apparattaryn paıdalanatyn bolady.
Bıylǵy jyly Qazaqstan komandasynyń quramy tolyq jańartyldy. Ushqyshsyz ushatyn qurylǵylarǵa qyzmet kórsetý jáne olardy basqarý kýrsynan ótken jas mamandar – UUA keshenderiniń operatorlary iriktelip alyndy.
«Men Armıalyq halyqaralyq oıyndarǵa alǵash ret qatysqaly otyrmyn. Bizdiń daıarlyǵymyz sıaqty komandalyq rýhymyz da joǵary deńgeıde. Alǵa qoıǵan maqsatymyz – úzdik nátıje kórsetý», – dep óz oıymen bólisti qatysýshylardyń biri motoatqyshtar batalóny ekıpajynyń komandıri leıtenant Artýr Imashev.
«Suńqar ańshylyǵy» konkýrsy úsh kezeńnen turady. Qatysýshylar UUA keshenderin ushýǵa daıyndaý, áýeden barlaý júrgizý normatıvterin oryndaıdy. Túngi ýaqytta artılerıadan oq atýdy túzetýde óz sheberlikterin kórsetedi. Sonymen birge, baǵdarlamaǵa oq atý jáne dene shynyqtyrý daıyndyǵy boıynsha jarystar engizilgen.
Armıalyq halyqaralyq oıyndarǵa qatysý áskerı qyzmetshilerdiń jaýyngerlik daıarlyǵynyń mańyzdy quramdas bóligi bolyp tabylady jáne olardyń kásibı sheberligin arttyrýǵa yqpal etip, jaýyngerlik oqý-jattyǵýda joǵary nátıjelerge qol jetkizýge yntalandyrady.
