Atalǵan qosymsha jaqynda qoljetimdi bolady
Qaýipsiz áýesqoı týrızm. Qazaqstandyqtar men el qonaqtary endi ózderiniń týr marshrýtyn jasap, respýblıkanyń kez kelgen, tipti eń shalǵaı núktesine de ózdiginen bara alady. Olar «TourismKaz» arnaıy mobıldi qosymshasy arqyly úılerinen shyqpaı-aq, saıahattaýǵa qajetti týrısik qyzmetter keshenin tańdaı alady, dep habarlaıdy Almaty-akshamy.kz Qazaqtv.com saıtyna silteme jasap.
Joba QazUÝ rekreasıalyq geografıa jáne týrızm kafedrasynyń meńgerýshisi Álıa Aqtymbaevanyń jetekshiligimen júzege asty.
«Bizdiń negizgi ıdeıamyz – ishki týrızmdi damytý jáne keńeıtý, Qazaqstanǵa sheteldik týrıserdi kóptep tartý. Sonymen qatar týrıserge arnalǵan turý, tamaqtaný oryndarynyń, shalǵaı aýyldyq aımaqtardaǵy saıahatshylyq baǵyttyń damyǵanyn qalaımyz. Qazaqstanǵa keletin sheteldik qonaqtar keń baıtaq jerimizdiń tumsa tabıǵaty aýyldyq jerlerde de bar ekenin kórse deımiz», - dedi joba jetekshisi Álıa Aqtymbaeva.
Jobany ázirleýshiler Ǵylym qorynyń qoldaýymen ıdeıany júzege asyryp, ony naqty jáne suranysqa ıe onlaın servıske aınaldyra aldy.
«Ǵylym qory men QR Bilim jáne ǵylym mınıstrligi 245 mln teńge bóldi. Memleket búginde ekonomıkanyń barlyq salasyn, atap aıtqanda osy týrızmdi belsendi túrde qoldaıdy, qarjylandyrady. Qazirgi tańda joba aıaqtalýǵa jaqyn. Týrısik naryqty ishki týrızmge qaıta baǵdarlaý bastaldy. Sondyqtan bul joba ishki týrızmdi damytýǵa yqpal etedi», - deıdi «Ǵylym qory» AQ jobalaý dıreksıasynyń basqarýshy dırektory Marat Pernequlov.
Ázirleýshilerdiń aıtýynsha, qosymshany paıdalaný ońaı. Qyzmettiń izdeý júıesine derekterdi engizgennen keıin birneshe sekýnd ishinde ekranda Qazaqstan boıynsha jaıly jáne tıimdi saıahat jasaý úshin týrısik qyzmetterdiń úzdik usynystary kórsetiledi. Sonymen qatar bul jerde pikir jazyp, ony oqýǵa, tipti tańdaǵan mekenniń ornalasqan jerin de kórýge bolady. Sondaı-aq bron jasap, eń tıimdi baǵada deldalsyz týrısik marshrýt satyp alýǵa múmkindik bar.