Oq-dári salynǵan paketter jerdegi kárizge jasyrylǵan.
Almatyda qarý-jaraq pen oq-dári saqtalǵan taǵy bir oryn tabyldy, dep habarlaıdy Almaty-akshamy.kz.
Almaty qalalyq polısıa departamentiniń málimetinshe, ustalǵan kúdiktiler kinásin moıyndap, qarý-jaraq jasyrǵan jerdi kórsetti.
Bul joly jasyryn oryn Ulttyq park aýmaǵynda, orman beldeýinde ornalasqan.
«Tapanshalar, patrondar, polısıa kıimderi salynǵan paketter jerdegi kárizge jasyrylǵan. Úsh tapansha, bir jaýyngerlik jáne 15 granata, Makarov tapanshasynan 100-den astam patron, 107 Kalashnıkov avtomaty, 16 ańshylyq myltyq, eki oq ótpeıtin jılet, protıvogaz, radıostansıa, polısıa formasy, kamýflájdyq rúkzak, sonymen qatar, 2,4 AQSH dollary kólemindegi qolma-qol aqsha tabyldy. Qarý-jaraq jappaı tártipsizdikter kezinde urlanǵan bolýy múmkin», – dedi Almaty qalasy boıynsha QAJD SI-18 jedel jumys jónindegi bastyqtyń orynbasary Azamat Amanjolov.
Atalǵan derek boıynsha Medeý aýdandyq polısıa basqarmasynda QR QK-niń 287-baby 2-bóligi boıynsha sotqa deıingi tergeý amaldary bastaldy.